ސަމަން ޓްރޭޑިން ޕްރައިވެޓް ލިމިޓެޑްގެ ސުޕަމާކެޓު ހުޅުވުން ފާހަގަކުރަން
މިރޭ ބާއްވަން ރޭވި މިއުޒިކް ޝޯ އާއި ހަވާ އެރުވުން، މޫސުން ތަން ނުދޭތީ
ފަސްކޮށްފި އެވެ.
ސަމަން
ޓްރޭޑިންގެ އާ ސުޕަމާކެޓު ހުޅުވަނީ ހުޅުމާލެ ދެ ވަނަ ފިޔަވަހީގައި،
ވިނަރެސް ޓަވަރު 3ގެ ގްރައުންޑް އަދި ފުރަތަމަ ފަންގިފިލާގަ އެވެ.
ސުޕަމާކެޓު
ހުޅުވުން ކުލަގަދަކޮށް ފާހަގަކުރުމަށްޓަކައި ރާއްޖޭގެ މަގުބޫލު ތިން މިއުޒިކް
ބޭންޑު ކަމަށްވާ ސްކައިރޮކް، ޑިޓިއުން ބޭންޑް އަދި ރެވިއޯ ބައިވެރިވާ މިއުޒިކް ޝޯއަކާ
އެކު ހަވާ އަރުވަން ކުރިން ރާވާފައި އޮތް ނަމަވެސް، ސަމަންއިން ބުނީ މޫސުން ތަން
ނުދިނުމުގެ ސަބަބުން އެ ހަރަކާތްތައް ފަސްކުރަން ޖެހިފައިވާ ކަމަށެވެ.
އިއްޔެ
އާއި މިއަދު މާލެއަށް ވިއްސާރަ ކުރަމުންދާއިރު، މެޓް އޮފީހުން ވަނީ މާލެ ހިމެނޭ
ގޮތަށް، ނ. އަތޮޅުން ފެށިގެން ފ. އަތޮޅާ ހަމައަށް ބޯކޮށް ވާރޭވެހޭނެ ކަމަށް
ލަފާކޮށް މިރޭ 1 ޖެހުމާ ހަމައަށްވައިޓް އެލާޓެއް ނެރެފަ އެވެ.
އެ
ހަރަކާތްތައް ފަސްކުރި ނަމަވެސް، މިރޭ 8 ޖަހާއިރު ސުޕަމާކެޓު ހުޅުވަން ވަނީ
ހަމަޖެހިފަ އެވެ. އަދި ހަވާ އެރުވުމާއި މިއުޒިކް ޝޯ ބާއްވާނެ ދުވަހެއް ފަހުން
އިއުލާންކުރާނެ ކަމަށް ސަމަންއިން ބުނެ އެވެ.
މި ސުޕަމާކެޓުން އަމާޒު ހިފަނީ އާންމުންނަށް ކުރާ ހިތުން ބާޒާރު
ކުރެވޭނެ މާހައުލެއް ގާއިމުކުރުމަށެވެ. މިކަން ހާސިލުކުރުމަށްޓަކައި ސުޕަމާކެޓުގެ ހުރިހާ
ސިފަތަކެއް ބިނާކޮށްފައިވަނީ މައިގަނޑު ތިން އަސާސެއްގެ މައްޗަށެވެ. އެއީ ޗީޕް، ޗޮއިސަސް
އަދި ކޮންވީނިއެންޓެވެ. ނުވަތަ އަގުހެޔޮކޮށް، ވީހާ ވެސް ގިނަ ބާވަތްތަކުގެ މުދާ ހިތްހަމަޖެހޭ މާހައުލެއްގައި ފަސޭހައިން ގަނެވޭނެ ގޮތް ހަމަޖައްސައިދިނުމެވެ.
މި
ސުޕަމާކެޓުގެ ގްރައުންޑް ފްލޯ ހާއްސަކޮށްފައިވަނީ ތަފާތު ވައްތަރުގެ، އެކި ބްރޭންޑްތަކުގެ ކާބޯތަކެތީގެ ގިނަ ބާވަތްތަކަށެވެ. ފުރަތަމަ ފަންގިފިލާގައި ވަނީ ޕާސަނަލް ކެއާ، ކިޗަން އެކްސެސަރީސް، ހޯމް ޑެކޯ، ކްލީނިން ޕްރޮޑަކްޓްސް،
އެރޯމާ ތެރަޕީ ޕްރޮޑަކްޓްސް، ލިނެން އަދި ކުޑަކުދިން ކުޅޭ ސާމާނާއި އުފަންދުވަސް އަދި
ވެޑިން ފަދަ މުނާސަބަތު ފާހަގަކުރަން ބޭނުންކުރާނެ ސާމާނެވެ.
މި
ސުޕަމާކެޓުގެ ލޭއައުޓާއި ސެޓަޕް ބައްޓަންކޮށްފައިވަނީ ތޮއްނުޖެހި،
ހަމަޖެހިލައިގެން ކަސްޓަމަރުންނަށް ބާޒާރުކޮށްލެވޭ ގޮތަށް، ޖާގަ ތަނަވަސްކޮށެވެ.
ބާޒާރުކުރުމުގައި ދިމާވާ މައްސަލަތަކަށް ހައްލެއް ގެނެސްދިނުމުގެ އަމާޒުގައި ސަމަންއިން ހުޅުވާ މި ސުޕަމާކެޓުގެ އަޖުމަ ބަލާލައި ތަޖުރިބާކޮށްލަން އެ ކުންފުނިން
އާންމުންނަށް ދައުވަތު އަރުވަ އެވެ.