ރިސޯޓު ސުޕަ ލީގުގެ ފައިނަލުގައި އެންމެ ފަހުގެ ދެ އަހަރުގެ ޗެމްޕިއަން ޖޯލި މޯލްޑިވްސް ބަލިކޮށް މުބާރާތުގެ ޗެމްޕިއަންކަން ކޮންރެޑް މޯލްޑިވްސް ރަންގަލި އައިލެންޑުން ހޯދައިފިއެވެ. މި މުބާރާތަކީ ރާއްޖޭގެ އެންމެ ގިނަ ދުވަސްވީ ރިސޯޓު ފުޓްސަލް މުބާރާތް ކަމަށްވާ ރިސޯޓު ލީގުގެ ހަ ޒޯނުގެ ޗެމްޕިއަން ޓީމުތަކުގެ މެދުގައި ކުޅުނު ހޯމް އެންޑް އަވޭ މުބާރާތެކެވެ. މި އަހަރުގެ ޗެމްޕިއަންކަން ކޮންރެޑުން ހޯދީ ޖުމެއިރާ އޮޅަހަލީގައި ކުޅުނު މުބާާރާތުގެ ފައިނަލުގައި ޖޯލި މޯލްޑިވްސްއާ ވާދަކޮށް 1-1 ގެ ނަތީޖާއަކުން މެޗުގެ ފުރިހަމަ ވަގުތު ނިމުމުން ޕެނަލްޓީގައި ކުރިހޯދައިގެންނެވެ. ޕެނަލްޓީގައި ކޮންރެޑުން ހަތަރު ޕެނަލްޓީއެއް ކާމިޔާބުކުރިއިރު ޖޯލި އަށް ކާމިޔާބުވީ ދެ ޕެނަލްޓީއެވެ. އެއާއެކު ކޮންރެޑުން ޗެމްޕިއަންކަން ހޯދީ 4-2ގެ ނަތީޖާއަކުންނެވެ. ޕެނަލްޓީ ނިމުނީ، 4-2 އިން ކޮންރެޑް މޮޅުވެގެންނެވެ. މެޗުގައި ފުރަތަމަ ލަނޑުޖެހީ ކޮންރެޑުންނެވެ. މި ލަނޑު ކޮންރެޑުގެ އާދަމް އާޒިމް ކާމިޔާބުކުރި ނަމަވެސް ޖޯލި މޯލްޑިވްސްގެ ކެޕްޓަން މުސްލިމް މުހައްމަދު ވަނީ ނަތީޖާ އެއްވަރުކޮށްފައެވެ. ސުޕަ ލީގުގެ އެންމެ މޮޅު ފަސް ކުޅުންތެރިންނަކީ ޗެމްޕިއަން ކޮންރެޑުގެ ޝިފާހު އަލީއާއި މުހައްމަދު ހަމްޒަތުގެ އިތުރުން ޖޯލީގެ މުޒާހު އަލީ އިޝާނާއި މުހައްމަދު ޖުމާން އަހުމަދެވެ. އެންމެ ގިނަ ގޯލު ޖެހީ ވަލްޑޯފް އަސްޓޯރިއާ މޯލްޑިވްސް އިތާފުށިގެ އިބްރާހިމް ރަފާހު އާއި ޖޯލީގެ އަލީ މުހައްމަދެވެ. މި ދެ ކުޅުންތެރިން ވެސް, ކޮންމެ ކުޅުންތެރިއެއް ތިން ލަނޑު ޖެހިއެވެ. ސުޕަ ލީގުގެ މޮޅު ކުޅުންތެރިއަކަށް ކޮންރެޑްގެ އާޒިމް ހޮވުނުއިރު، މޮޅު ކޯޗަކީ އެ ޓީމުގެ، އަލީ އުމެއިރެވެ. މިހާރު ކުޅުމާ ދުރުގައި ހުރި އުމެއިރަކީ ރިސޯޓު ލީގު ކޮންރެޑަށް ކާމިޔާބުކޮށްދިނުމުގެ ފަހަތުގައި އެންމެ އިސް ރޯލެއް އަދާކުރި އެއް ކުޅުންތެރިޔާއެވެ.