އެމްޑީޕީގެ ޓިކެޓްގައި ތުޅާދޫ ދާއިރާއަށް ވާދަކުރައްވާ މަޝްހޫރު ގާނޫނީ ވަކީލް ހިސާން ހުސެއިން އަށް ތުހުމަތުކޮށް ދައްކަމުންދާ ވާހަކަތަކަށް ކުރީގެ ރައީސް ނަޝީދު ރައްދު ދެއްވައިފިއެވެ.
މީގެ އަހަރުތަކެއް ކުރިން ކިޔަވާ ކުދިން ތަކަކަށް އަނިޔާ ކުރި ކަމަށް ބުނެ ހިސާން އާއި ދެކޮޅަށް ފިޔަވަޅު އަޅައި ދިނުމަށް އަނިޔާ ލިބުނު މީހަކު ރައީސް ޞާލިހަށް ފޮނުވި ސިޓީއެއް މީސް މީޑިއާގައި އާންމުވެފައިވާއިރު ހިސާންވެސްވަނީ މި ވާހަކަތައް ދޮގުކުރައްވާފައެވެ.