ސްކޫލް ބަންދާ ދިމާކޮށް މެލޭޝިއަން އެއާލައިންސުގެ ޓިކެޓުތަކުގެ އަގު ހެޔޮކޮށްފި އެވެ. ވިލާ ޓްރެވަލްސްގެ މެނޭޖަރު ފަރްހަތު އަބްދުއްލަތީފް ވިދާޅުވި ގޮތުގައި މިއަދު ފަށާފައިވާ މި ޕްރޮމޯޝަނުގައި މި މަހުގެ 24 ވަނަ ދުވަހާ ހަމައަށް އަގު ހެޔޮކޮށް ޓިކެޓް ލިބެން ހުންނާނެ އެވެ. އަދި ދަތުރުކުރެވޭ އެންމެ ފަހު ތާރީހަކީ އޮގަސްޓް މަހުގެ 31 ވަނަ ދުވަސް ކަމަށް ވެސް ފަރްހަތު ވިދާޅުވި އެވެ. މި ޕްރޮމޯޝަނުގެ ދަށުން މެލޭޝިއާ ދެކޮޅު ޓިކްޓް 382 ޑޮލަރަށް ލިބޭއިރު ބެންކޮކް ދެކޮޅު ޓިކެޓް 378 ޑޮލަރަށް ލިބޭނެ ކަމަށް ފަރްހަތު ވިދާޅުވި އެވެ. އަދި ސިންގަޕޫރު ދެކޮޅު ޓިކެޓް 343 ޑޮލަރަށާއި ޗައިނާގެ ގުއަންޒޯ ދެކޮޅު ޓިކެޓް 482 ޑޮލަރަށް ވިއްކުމަށް ވެސް ވަނީ ހަމަޖެހިފަ އެވެ. މެލޭޝިއަން އެއާލައިނުން ސްކޫލް ބަންދާ ދިމާކޮށް ފެށި ޕްރޮމޯޝަނުގެ އިޝްތިހާރު: މި ޕްރޮމޯޝަނުގެ ދަށުން މެލޭޝިއާ ދެކޮޅު ޓިކެޓް 382 ޑޮލަރަށް ލިބޭނެ-- ފޮޓޯ: ވިލާ ޓްރެވަލްސް ފަރްހަތު އިތުރަށް ވިދާޅުވީ މެލޭޝިއަން އެއާލައިނުން ދަތުރުކުރާ އޭޝިއާގެ ގިނަ މަންޒިލުތަކުގެ ޓިކެޓުގެ އަގުތައް މި ޕްރޮމޯޝަންގައި ހެޔޮކޮށްފައިވާ ކަމަށެވެ. އެގޮތުން ފިލިޕީންސްގެ މެނީލާ އަށް ދިޔުމަށް ދެކޮޅު ޓިކެޓު 500 ޑޮލަރަށް ލިބޭއިރު ޑެންޕަސާގެ ދެކޮޅު ޓިކެޓު 503 ޑޮލަރަށް ލިބޭނެ ކަމަށް އޭނާ ވިދާޅުވި އެވެ.