އެތުލެޓިކްސް އެސޯސިއޭޝަނުން އިންތިޒާމް ކޮށްގެން ބޭއްވުމަށް ހަމަޖެހިފައިވާ 20 ވަނަ އެޓޯލް އިންޓަ ސްކޫލް އެތުލެޓިކްސް މީޓްގައި ބައިވެރިވުމުގެ މުއްދަތު ހަމަވިއިރު، މުބާރާތުގައި 15 ސްކޫލުން ބައިވެރިވެއްޖެ އެވެ.
އަންނަ ޖޫން މަހުގެ 8 އިން 11އަށް ހދ. ކުޅުދުއްފުށީގައި ބާއްވާ މުބާރާތުގައި ބައިވެރިވެފައިވާ ސްކޫލްތަކަކީ ހއ. ވަށަފަރު ސްކޫލް، ހދ. ކުރިނބީ ސްކޫލް، ހދ. މަކުނުދޫ ސްކޫލް، ކުޅުދުއްފުށީ ޖަލާލުއްދީން ސްކޫލް، ކުޅުދުއްފުށީ ޢަފީފުއްދީން ސްކޫލް، ހދ. އަތޮޅު ތަޢުލީމީ މަރުކަޒު، ށ. ފުނަދޫ ސްކޫލް، ށ. މިލަންދޫ ސްކޫލް، ނ. ހޮޅުދޫ މޭނާ ސްކޫލް، ޅ. ނައިފަރު މަދުރަސަތުލް އިފްތިތާޙް، އިސްކަންދަރު ސްކޫލް، ބިލަބޮންގ ހައި އިންޓަރނޭޝަނަލް ސްކޫލް، ކަލާފާން ސްކޫލް، ގދ. މަޑަވެލި ސްކޫލް، އަދި ޏ. އަތޮޅު ތަޢުލީމީ މަރުކަޒް ކަމަށް އެތުލެޓިކްސް އެސޯސިއޭޝަނުން މައުލޫމާތު ދެއެވެ.
އެތުލެޓިކްސް އެސޯސިއޭޝަނުން ބުނީ 4 ދުވަހަށް ކުރިޔަށްދާ މިމުބާރާތް ބަހާލެވިފައިވަނީ 4 ޢުމުރު ފުރާއަށް ކަމަށާއި އެގޮތުން އެ ޢުމުރު ފުރާތަކަކީ 11 އަހަރުން ދަށް، 13 އަހަރުން ދަށް، 15 އަހަރުން ދަށް އަދި 17 އަހަރުން ދަށުގެ އުމުރު ފުރާ ކަމަށެވެ.