މާދަމާ ރޭ ހިފާ ހަނދުކޭތައާ ގުޅިގެން ރާއްޖޭގައި ހުރިހާ ރަށެއްގައި ކޭތަ ނަމާދު ކުރަން ނިންމާފައިވާ އިސްލާމިކް މިނިސްޓްރީން ބުނެފި އެވެ.
އެތަނުން ނެރުނު ސާއުލާއެއްގައި ބުނީ މާދަމާ ރޭ ކޭތަ ހިފަން ފަށާނީ ރާއްޖެ ގަޑިން 08:28 ގައި ކަމަށެވެ. އަދި ކޭތަ އެންމެ ބޮޑަށް ހިފާފައި ހުންނާނީ ންދަމު އަލިވެ 11:11 ގައި ކަމަށާއި ހަނދުކޭތަ ވީއްލާނީ ރާއްޖެ ގަޑިން މެންދަމު އަލިވެ 01:55 ހާއިރު ކަމަށެވެ.
އެހެންވެ މީހުން ދިރިއުޅޭ ހުރިހާ ރަށެއްގައި އެ ރަށެއްގެ އެންމެ ބޮޑު މިސްކިތުގައި ކޭތަ ނަމާދު 11:12 ގައި ކުރަން ކައުންސިލްތަކަށް އަންގަވާފައުވާ ކަމަށް މިނިސްޓްރީން ބުންޏެވެ.
މާދަމާ ރޭގެ ހިފާ ރާއްޖެއަށް ފުރިހަމައަށް ފެންނާނެ އެވެ. ދެން ރާއްޖެއަށް ފުރިހަމަ ހަނދުކޭތައެއް ފެންނާނީ ޑިސެމްބަރު މަހުގެ 31، 2028 ގަ އެވެ.