ވިހޭތާ އެއް މަސް ނުވާ ކުޑަކުއްޖަކު ކޮވިޑް-19 ށް ޕޮޒިޓިވްވެއްޖެ އެވެ.
ހޮނިހިރު ދުވަހު ނެޝަނަލް އެމަރޖެންސީ އޮޕަރޭޝަން ސެންޓަރ (އެންއީއޯސީ) ގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ހެލްތް ޕްރޮޓެކްޝަން އެޖެންސީ (އެޗްޕީއޭ) ގެ ޑރ. ނަޒްލާ ރަފީގު ވިދާޅުވީ ކުޑަކުއްޖަކާއި ޕޮޒިޓިވްވި މީހަކު ކޮންޓެކްޓްވުމުގެ މައުލޫމާތު ލިބިގެން އެ ކުއްޖާގެ ޓެސްޓް ކުރެވުނު ކަމަށެވެ. އަދި ނެގި ސާމްޕަލް ޕޮޒިޓިވް ކަމަށް ޑރ. ނަޒްލާ ވިދާޅުވި އެވެ.
ޑރ. ނަޒްލާ ވިދާޅުވީ އެ ކުއްޖާގެ ފަރާތުން އަލާމާތްތައް ފެނުމާއި ގުޅިގެން އެ ކުއްޖާގެ މަންމަ ވެސް ޓެސްޓް ކުރަމުގެ މަސައްކަތް ކުރަމުންދާ ކަމަށެވެ.
މިއީ ރާއްޖޭގައި އެއް މަސް ނުވާ ކުޑަކުއްޖެއް އަލަށް ޕޮޒިޓިވްވި ފަހަރެވެ. ހެލްތް މިނިސްޓްރީގެ ޑޭޝް ބޯޑުން ދައްކާ ގޮތުން މިއީ ކޭސް 1041 ގައި ހިމެނޭ ކުއްޖާއެވެ. އަދި މިއީ ފިރިހެން ކުއްޖެކެވެ.
މީގެ އިތުރުން 7 މަހުގެ ކުއްޖެއް ވެސް ވަނީ ރާއްޖެއިން ޕޮޒިޓިވްވެފަ އެވެ. ތަފާސް ހިސާބުތައް ދައްކާގޮތުން އެއް އަހަރު ނުފުރޭ 2 ފިރިހެން ކުދިން ވަނީ ޕޮޒިޓިވްވެފަ އެވެ. އެއީ އެއް މަސް ނުވާ ކުއްޖާއާއި 7 މަހުގެ ކުއްޖާ އެވެ. މީގެ އިތުރުން 1 އަހަރުގެ 1 ކުއްޖަކު، 2 އަހަރުގެ 3 ފިރިހެން ކުދިން އަދި 1 އަންހެން ކުއްޖަކު ވަނީ ޕޮޒިޓިވްވެފަ އެވެ.
4 އަހަރުގެ 4 ފިރިހެން ކުދިން އަދި 1 އަންހެން ކުއްޖަކު ޕޮޒިޓިވްވެފައި ވެއެވެ. 5 އަހަރުގެ 2 އަންހެން ކުދިން ވަނި ޕޮޒިޓިވްވެފަ އެވެ. 6 އަހަރު އަދި 7 އަހަރުގެ 1 އަންހެން ކުއްޖަކާއި ފިރިހެން ކުއްޖަކު ވަނީ ޕޮޒިޓިވްވެފަ އެވެ. 9 އަހަރުގެ 2 ފިރިހެން ކުދިން އަދި 2 އަންހެން ކުދިން ވަނީ ޕޮޒިޓިވްވެފަ އެވެ. 10 އަހަރުގެ 1 ފިރިހެން ކުއްޖަކު ޕޮޒިޓިވްވެފައިވާ އިރު، 11 އަހަރުގެ 2 އަންހެން ކުދިންނާއި 2 ފިރިހެން ކުދިން ވަނީ ޕޮޒިޓިވްވެފަ އެވެ.
12 އަހަރުގެ 2 ފިރިހެން ކުދިންނާއި 1 އަންހެން ކުއްޖަކު ވަނީ ޕޮޒިޓިވްވެފަ އެވެ. 13 އަހަރުގެ ޕޮޒިޓިވްވީ 4 ފިރިހެން ކުދިންނެވެ. 14 އަހަރުގެ 1 ފިރިހެން ކުއްޖަކާއި 3 އަންހެން ކުއްޖަކު ވަނީ ޕޮޒިޓިވްވެފަ އެވެ. 15 އަހަރުގެ 2 އަންހެން ކުދިންނާއި 1 ފިރިހެން ކުއްޖަކު ވަނީ ޕޮޒިޓިވްވެފަ އެވެ. 16 އަހަރުގެ 3 ފިރިހެން ކުދިންނާއި 2 އަންހެން ކުދިން އަދި 17 އަހަރުގެ 2 ފިރިހެން ކުދިންނާއި 1 އަންހެން ކުއްޖަކު ވަނީ ޕޮޒިޓިވްވެފަ އެވެ. 18 އަހަރުގެ އަންހެން ކުއްޖަކާއި ފިރިހެން ކުއްޖަކު ވަނި ކޮވިޑް-19 އަށް ރާއްޖޭގައި ޕޮޒިޓިވްވެފަ އެވެ.
މި ތަފާސްހިސާބުތަކުން ދައްކާ ގޮތުން 30 ފިރިހެން އަދި 24 އަންހެން ކުދިން ވަނީ ޕޮޒިޓިވްވެފަ އެވެ.