ޖުޑީޝަލް ސާވިސް ކޮމިޝަން (ޖޭއެސްސީ) އެކުލެވިގެންވާގޮތް ބަދަލުކުރަންޖެހޭކަމަށާ ޖުޑީޝަރީ ސިޔާސީ ނުފޫޒުން މިނިވަންކުރުމަކީ އެންމެ އިސް އެއް މަސައްކަތްކަމަށް ޖުމްހޫރީ ޕާޓީގެ ލީޑަރު ގާސިމް އިބްރާހިމް ވިދާޅުވެއްޖެއެވެ.
ގާސިމް އިބްރާހިމް ވިދާޅުވީ ރާއްޖޭގެ ޖުޑީޝަރީ ސިޔާސީ ނުފޫޒުން މިނިވަންކުރެވޭނީ، ގާނޫނު އަސާސީގައި ފަނޑިޔާރުން މިނިވަންކުރުމަށް އޮންނަ މިނިވަން މުއައްސަސާ ޖުޑީޝަލް ސާވިސް ކޮމިޝަން (ޖޭއެސްސީ) އެކުލެވިގެންވާގޮތް ބަދަލުކޮށް، އެ މުއައްސަސާ ސިޔާސީ ނުފޫޒުން މިނިވަންކުރެވިގެންކަމަށެވެ.
ގާނޫނު އަސާސީގެ 158 ވަނަ މާއްދާ އިސްލާހުކުރުމަކީ އެމަނިކުފާނުގެ ޖުޑީޝަލް ރިފޯމް އެޖެންޑާގެ އެންމެ އިސް މަސައްކަތްކަމަށްވެސް ގާސިމް ވިދާޅުވިއެވެ.