ޑައިވިނަށް ގޮސް އުޅެނިކޮށް ގެއްލުނު އިޓަލީވިލާތުގެ ޑައިވަރުންގެ ތެރެއިން ނުނެގި އޮތް ބާކީ ދެ މީހުންގެ ހަށިގަނޑު މިއަދު ކަނޑުން ނަގައި، އެމީހުން ހޯދުމަށް ހިންގި ބޮޑު އޮޕަރޭޝަން ނިންމާލައިފިއެވެ.
މިމަހުގެ 18 ވަނަ ދުވަހު އެމްއެންޑީއެފް ކޯސްޓްގާޑާއި، ފުލުހުންގެ ޚިދުމަތާއި އަދި އިޓަލީ ސަރުކާރުން ހަމަޖެއްސި ބޭރުގެ ތަޖުރިބާކާރު ޑައިވަރުން ގުޅިގެން ހިންގި އޮޕަރޭޝަނުގައި ވަނީ ގެއްލުނު ހަތަރު މީހުންގެ ހަށިގަނޑު ލޮކޭޓްކޮށްފައެވެ.
މި ހާދިސާގައި ގެއްލުނު މީހުން ހޯދުމަށް އިޓަލީ ސަރުކާރުން ފޮނުވި ފިންލެންޑުގެ ތިން ޑައިވަރުންނަކީ ދުނިޔޭގެ އެކި ކަންކޮޅުތަކުގައި މިފަދަ ނުރައްކާތެރި މިޝަންތަކުގައި މަސައްކަތްކޮށްފައިވާ ތަޖުރިބާކާރުންކަން ފާހަގަކޮށްލެވެއެވެ.