ރޯދަ މަހުގެ ފަހު 10ގައި އަދި ޝައްވާލް މަހުގެ 6 ރޯދައިގައި މޯލްޑިވްސް އިސްލާމިކް ބޭންކް (އެމްއައިބީ)ން ކަސްޓަމަރުންނަށް ހިދުމަތްދޭ ގަޑިތައް އިއުލާންކޮށްފި އެވެ.
ތަފްސީލް - އެމްއައިބީން ބުނީ އަންނަ ހޯމަ ދުވަހުން ފެށިގެން އީދު ދުވަހުގެ ނިޔަލަށް އެ ބޭންކުގެ:
ބިޒްނަސް ބްރާންޗުގެ ބިޒްނަސް ބޭންކިންގެ ހިދުމަތް ދޭނީ ހެނދުނު 11:30 އިން ފެށިގެން މެންދުރުފަހު 2އަށް 
އެ މުއްދަތުގައި މާލޭގައި ހުންނަ ބިޒްނަސް ބްރާންޗުން ޓެލެގްރަފިކް ޓްރާންސްފާ ނުވަތަ ޓީޓީ ކުރުމުގެ ކަޓްއޯފް ޓައިމަކީ ހެނދުނު 11 އިން މެންދުރު 12އަށް
އެމްއެމްއޭގެ އިއުލާނާ ގުޅިގެން ފަހު 10ގައި ހުރިހާ ބޭންކުތަކެއް ހުޅުވާ ދެ ދުވަހަކީ މި މަހުގެ 11 އަދި 18 އެވެ. މި ދެ ދުވަހު އެމްއައިބީ ބިޒްނަސް ބްރާންޗުގެ ކަސްޓަމަރުންނަށް ބިޒްނަސް ބޭންކިންގެ ހިދުމަތް ދޭނީ:
ހެނދުނު 9:30 އިން ފެށިގެން މެންދުރުފަހު 2އަށް 
މި ދެ ދުވަހު ބިޒްނަސް ބްރާންޗުން ޓީޓީ ކުރުމުގެ ކަޓްއޯފް ޓައިމަކީ ހެނދުނު 09:30 އިން 11އަށް
ޝައްވާލު މަހުގެ 6 ރޯދައިގެ ތެރެއިން މި މަހުގެ 23 އިން 26އަށް އެމްއައިބީ ބިޒްނަސް ބޭންކިން ހިދުމަތް ދޭނީ 9.30 އިން މެންދުރުފަހު 2 އަށެވެ. އަދި ޓީޓީ ކުރުމުގެ ހިދުމަތްދޭ ގަޑިއަކީ ހެނދުނު 9:30 އިން 11އަށް ކަމަށް ވެސް އެމްއައިބީން ބުންޏެވެ.
އެމްއައިބީ ބިޒްނަސް ބްރާންޗު ނޫން އެހެން ހުރިހާ ބްރާންޗުތަކެއް، އަންނަ ހޯމައިން ފެށިގެން އީދު ދުވަހުގެ ނިޔަލަށް، އެމްއެމްއޭގެ އިއުލާނާ ގުޅިގެން ފަހު 10ގައި ބޭންކު ހުޅުވާ ދެ ދުވަސް ކަމަށްވާ މި މަހުގެ 11 އަދި 18 ފިޔަވައި އެހެން ހުރިހާ ދުވަހެއް ބަންދުވާނެ އެވެ.
އެ ބްރާންޗުތަކުން އެ ދެ ދުވަހު ކަސްޓަމަރުންނަށް ހިދުމަތް ދޭނީ:
ހެނދުނު 9:30 އިން ފެށިގެން މެންދުރުފަހު 1:30އަށް 
ޝައްވާލް މަހުގެ 6 ރޯދައިގައި ވެސް ކަސްޓަމަރުންނަށް ހިދުމަތް ދޭނީ ހަމަ އެ ގަޑީގައި
ފާހަގަކޮށްލެވޭ - އެމްއައިބީއަކީ އެ ބޭންކުގެ ހުރިހާ ހިދުމަތެއް އޮންލައިންކޮށް ދޭ ބޭންކެކެވެ.
ބޭންކަށް ނުގޮސް އެކައުންޓު ހުޅުވުމާއި އިންޓަނެޓް ބޭންކިންއަށް އަމިއްލައަށް ރަޖިސްޓްރީ ކުރުމާއި ފައިސާ މޮބައިލް އަދި ފައިސާ ނެޓް މެދުވެރިކޮށް ޓީޓީގެ ހިދުމަތަށް އެދުމުގެ އިތުރުން ވެސް އެމްއައިބީގެ އެޕްލައި ނައު ޕޯޓަލް މެދުވެރިކޮށް އެ ބޭންކުން ދޭ ހުރިހާ ހިދުމަތަކަށް އެދެވެ އެވެ.