ލަންޑަން (6 މާޗް 2026): އީރާނުގެ ރައްދު ހަމަލާތަކުގައި ޔަހޫދީ އިސްރާއީލަށް ލިބޭ ގެއްލުންތައް ވަރަށް ބޮޑަށް ފޮރުވައި ސިއްރު ކުރަމުންދާކަމަށް މުހައްލިލުންނާއި ރިޕޯޓްތައް ބުނެފިއެވެ. އިނގިރޭސިވިލާތުގެ މުހައްލިލެއްކަމަށްވާ ޖޯޖް ގެލަވީ ވިދާޅުވި ގޮތުގައި އެމެރިކާއާއި އިސްރާއީލުގެ ހަމަލާތަކުގައި އީރާނަށް ލިބެމުންދާ ގެއްލުންތަކާ އެއްވަރު ނުވިނަމަވެސް އީރާނުގެ ގަދަފަދަ މިސައިލްތަކުން އިސްރާއީލަށް ވެސް ދަނީ އާދަޔާ ޚިލާފު ބޮޑެތި ގެއްލުންތަކެއް ލިބެމުންނެވެ. ގެލަވީ ވިދާޅުވެފައިވާ ގޮތުގައި އޭނާގެ ރަހުމަތްތެރި އިސްރާއީލު މީހުންނާ ގުޅައި, މައުލޫމާތު ސާފުކުރުމުން އިސްރާއީލަށް ލިބެމުންދާ ބޮޑެތި ގެއްލުންތައް ވަނީ ވަރަށް ބޮޑަށް ސާފުވެފައެވެ. އީރާނުގެ ރައްދު ހަމަލާތަކުގެ ސަބަބުން ޚާއްސަކޮށް އިސްރާއީލުގެ ވެރިރަށް ޓެލްއަވީވަށް ލިބިފައިވާ ގެއްލުންތައް އެމީހުންވަނީ އޭނާއާ ހިއްސާ ކޮށްފައެވެ. އީރާނުގެ ހަމަލާތަކުގައި ޓެލްއަވީވުގެ އެތަށް އަވަށެއް ޣައްޒާ ގޮތަށް މުޅިން ހަލާކުވެ ފުނޑުފުނޑުވެފައިވާކަން އޭނާގެ ރަހުމަތްތެރި އިސްރާއީލު މީހުންވަނީ ކަށަވަރުކޮށްދީފައި ކަމަށް ގެލަވީ ވިދާޅުވިއެވެ. ޓެލްއަވީވުގައި އީރާނުގެ ހަމަލާތަކެއް އަރާފައިވާ އިތުރު ސަރަހައްދެއް އިސްރާއީލުގެ ބައެއް މީހުންނާ ހަވާލާދީ ގެލަވީ ވިދާޅުވި ގޮތުގައި ޓެލްއަވީވުގެ އެތަށް ސަރަހައްދެއް ވަނީ ކަރަންޓާއި ފެނުން މަހުރޫމްވެފައެވެ. އަދި ވެއްޓިފައިވާ އިމާރާތްތަކުގެ ކޮންކްރީޓްތަކުގެ ސަބަބުން ގިނަ މަގުތަކެއްވަނީ ބަންދުވެފައެވެ. އަދި އަލިފާން ނިއްވައި ނުލެވި އަނދަމުންދާ ސަރަހައްދުތައްވެސް އެބަހުއްޓެވެ. އިސްރާއީލުގެ ހުޅަނގު އުތުރުގެ ސިޓީ އެއްކަމަށްވާ ހައިފާގައިވާ ތެލުގެ މަރުކަޒުތަކަށްވެސް އީރާނުގެ މިސައިލްތައް އެރުމުގެ ސަބަބުން ވަނީ ހަލާކުވެފައެވެ. ހައިފާގައިވާ އިސްރާއީލުގެ އެންމެ ބޮޑު ރިފައިނަރީއަށް މިސައިލް ހަމަލާތައް ތަކުރާރުކޮށް އެރުމުގެ ސަބަބުން އެތަން އެއްކޮށް އަނދައި އެތަނުގެ މަސައްކަތް ހުއްޓިފައިވާކަންވެސް އިސްރާއީލުގެ ރަހުމަތްތެރިން ކަށަވަރުކޮށްދިންކަމަށް ގެލަވީ ވިދާޅުވިއެވެ. ރިޕޯޓްތައް ބުނާ ގޮތުން އިސްރާއީލުގެ ހޮސްޕިޓަލްތައް ވެސް ވަނީ ޒަޚަމްވެފައިވާ މީހުންގެ އަދަދު ގިނަކަމުން ތޮއްޖެހިފައެވެ. އަދި އެތަށް މިލިޔަން މަޔަކު ދިރިއުޅެން ޖެހިފައިވަނީ ބިންގަރާސްތަކުގައެވެ. އެކަމުގެ ސަބަބުން ސްކޫލްތަކުގެ ކިޔެވުން ހުއްޓި، އާންމު ދިރިއުޅުން މުޅިން ގަޑުބަޑުގެ ބިންގަރާސްތަކުގައި އަބަދު ކަހަލަގޮތަކަށް އުޅެން ޖެހިފައި ވާތީ އާންމުން ރުޅިގަދަ ވެފައިވާ ކަމަށް ރިޕޯޓްތައްވެސް ބުނެއެވެ. އިސްރާއީލު ސިފައިންގެ ބަޔާންތައް ބުނާގޮތުން އެގައުމުގެ ދިފާއީ ނިޒާމުތަކުން ގެންދަނީ އީރާނުގެ ހައިޕަސޮނިކް މިސައިލްތައް ވެސް ވައްޓާލުމުގައި ބޮޑެތި ކާމިޔާބީތައް ހޯދަމުންނެވެ. ނަމަވެސް ހައިޕާ ސޮނިކް މިސައިލްއަކީ އިސްރާއީލުގައި ހުރި އެއާޑިފެންސް ސިސްޓަމްތަކަށް ހުރަސްއެޅުމުގެ ގާބިލްކަން ލިބިފައިވާ އެއްޗެއް ނޫން ކަމަށް ކަމާބެހޭ ފަންނީ ތަޖުރިބަކާރުން އެއްބަސްވެވަޑައިގަންނަވައެވެ. އިސްރާއީލުގެ ވެރިރަށް ޓެލްއަވީވުގައި އީރާނުގެ ހަމަލާތަކެއް އަރާފައިވާ ސަރަހައްދެއް އީރާނުގެ ހައިޕަސޮނިކް މިސައިލްތައް މީގެކުރިންވެސް ވަރަށް ގިނައިން އިސްރާއީލަށް އަރައި އެގައުމަށް ވަނީ މާއްދީ ބޮޑެތި ގެއްލުންތަކެއް ލިބިފައެވެ. ނަމަވެސް ކުރީ ފަހަރުތަކާ ޚިލާފަށް މިފަހަރުގެ ހަނގުރާމައިގައި އިސްރާއީލު ގެންދަނީ އީރާނުގެ ހަމަލާތަކުން ލިބޭ ގެއްލުންތައް ވަރަށް ބޮޑަށް ސިއްރު ކުރަމުންނެވެ. ސީއެންއެން އާއި ފޮކްސް ނިއުސް ހުޅަނގުގެ މެއިން ސްޓްރީމް މީޑިއާތަކަކީ ޔަހޫދީ ޒަޔަނިސްޓް މަހުޖަނުން ކޮންޓްރޯލް ކުރާ މިޑީއާ ތަކެކެވެ. ޖޯޖް ގެލަވީ ވިދާޅުވި ގޮތުގައި ފޮކްސް ނިއުސްގައި މަސައްކަތްކުރާ އޭނާގެ އެކުވެރިއަކު ވަނީ އީރާނުގެ ހަމަލާތަކުގައި އިސްރާއީލަށް ލިބޭ ގެއްލުންތަކާބެހޭ މައުލޫމާތު ނުފެތުރުމަށާއި އިސްރާއީލަށް ލިބޭ ގެއްލުންތަކުގެ ފޮޓޯއާއި ވީޑިއޯ ވެސް ނުދެއްކުމަށް ފޮކްސް ނިއުސްގެ އެޑިޓޯރިއަލްގެ ފަރާތުން އަންގާފައެވެ. އެމެރިކާއާއި އިސްރާއީލަކީ ވައިގެ ބާރަށް ބަލާއިރު ދުނިޔޭގައިވާ އެންމެ ވަރުގަދަ ވައިގެ ދެބާރެވެ. އެހެންކަމުން އެދެބާރު ގުޅިގެން އީރާނަށް ދޭ ހަމަލާތަކާ އެއްވަރުގެ ރައްދު ހަމަލާތަކެއް އީރާނަކަށް ނުދެވޭނެއެވެ. ސަބަބަކީ އީރާނަކީ ދަތިކުރުމުގެ ފިޔަވަޅުތައް އަޅާފައިވާތާ 46 އަހަރު ވެފައިވާ ގައުމަކަށް ވެފައި އީރާން ބަރޯސާ ވަނީ މައިގަނޑު ގޮތެއްގައި ހަމައެކަނި އީރާނުގެ ހަތިޔާރަށް ކަމަށްވާތީ އެވެ. އީރާނުން އުފައްދާ ވައިގެ ދިފާއީ ނިޒާމުތަކަކީ އެމެރިކާއާއި އިސްރާއީލުގެ ފައިޓާ ޖެޓްތައް ވައްޓާލެވޭހާ ބާރުގަދަ ނިޒާމުތަކެއް ނޫނެވެ. އެކަންވަނީ މިދިޔަ އަހަރު އެމެރިކާއާއި އިސްރާއީލުން އީރާން އާ ދެކޮޅަށް ކުރި 12 ދުވަހުގެ އުދުވާނީ ހަނގުރާމައިންވެސް ހާމަވެފައެވެ. ނަމަވެސް އެމެރިކާއާއި އިސްރާއީލުގެ ޑްރޯންތައް ވައްޓާލުމުގައި އީރާން ގެންދަނީ ކާމިޔާބު ހޯދަމުންނެވެ. އީރާނުގެ ދިފާއީ ނިޒާމު ބަލިކަށިނަމަވެސް އީރާނުގެ ހަމަލާދޭ ނިޒާމުތައް ގަދަފަދައެވެ. ރައްދު ހަމަލާ ދެވޭވަރުގެ ބާރުގަދަ މިސައިލްތައް އީރާން އަމިއްލައަށް އުފައްދައެވެ. އެތަކެތި އީރާންގައި އެބަހުއްޓެވެ. އެތަކެތިން ހަމަލާދީ މެދުއިރުމަތީގައިވާ އެމެރިކާގެ އަސްކަރީ ހުރިހާ މަރުކަޒުތަކެއް ކަހަލަ ގޮތަކަށް މިހާރުވަނީ ހަލާކުކޮށްލާފައިކަމަށް ރިޕޯޓްތައް ބުނެއެވެ. "މިޑްލްއީސްޓް އައި" ބުނާގޮތުން ގަލްފާއި އިރާގުގައިވާ އެމެރިކާގެ 17 އަސްކަރީ ބޭސްވަނީ އީރާނުގެ މިސައިލް ހަމަލާތަކުގައި އަލުން މަރާމާތުކޮށްގެން ނޫނީ ބޭނުން ނުކުރެވޭވަރަށް ހަލާކުވެފައެވެ. އެތަންތަނުގައިވާ އިމާރާތްތަކާއި ރާޑަރުތަކާއި އަގުބޮޑު މެޝިނަރީތައްވަނީ އަންދާލާފައެވެ. އެހެންކަމުން އެމެރިކާގެ މަނަވަރުތަކަށް ބޭނުންވާ ހަތިޔާރުވެސް މިހާރު ގެންދަނީ ޑީގޯގާސިޔާ ގައިވާ އެމެރިކާގެ އަސްކަރީ މަރުކަޒުންނެވެ. އެމެރިކާއާއި ޔަހޫދީންގެ ހަމަލާތަކުގައި އީރާނަށް ދަނީ ބޮޑެތި ގެއްލުންތަކެއް ލިބެމުންނެވެ. ކޮންމެ ދުވަހަކު އެވްރެޖްކޮށް އީރާނުގެ 200 ވަރަކަށް ތަނަށް އެމެރިކާއާއި އިސްރާއީލުގެ ޖެޓްތަކުން ހަމަލާދޭކަމަށާ މި ހަމަލާތަކުހގައި މިހާތަނަށް އީރާނުގެ އާންމުންގެ 12 ސަތޭކައަށް ވުރެ ގިނަ މީހުން ވަނީ ޝަހީދުވެފައިކަން އެގަމުން ވަނީ ހާމަކޮށްފައެވެ.