އުރީދޫ މޯލްޑިވްސްގެ މިދިޔަ އަހަރުގެ ހިއްސާގެ ފައިދާގެ ގޮތުގައި، ކޮންމެ ހިއްސާއަކަށް 3.54 ރުފިޔާ ބެހުމަށް އެ ކުންފުނީގެ ހިއްސާދާރުން ފާސްކޮށްފި އެވެ.އެގޮތަށް ފާސްކޮށްފައި ވަނީ މިދިޔަ ބުދަ ދުވަހުގެ ރޭ، ހުޅުމާލޭގައި ހުންނަ އުރީދޫގެ މައި އޮފީހުގައި ބޭއްވި އެ ކުންފުނީގެ އަހަރީ އާންމު ޖަލްސާގަ އެވެ.އެ ޖަލްސާގައި 353 ހިއްސާދާރުން ބައިވެރިވެފައިވެ އެވެ. އޭގެ ތެރޭގައި ޖަލްސާއަށް ގޮސްގެން ބައިވެރިވި 144 ހިއްސާދާރުންނާއި، 209 ހިއްސާދާރުން ތަމްސީލުކުރި 27 ޕްރޮކްސީ ހޯލްޑަރުން ހިމެނެ އެވެ.އުރީދޫން ބުނި ގޮތުގައި ޖަލްސާގައި ތަމްސީލުކޮށްފައި ވަނީ ކުންފުނީގެ ޖުމްލަ ހިއްސާގެ 98 އިންސައްތައެވެ. އެއީ 144,202,029 ހިއްސާ އެވެ.މި ޖަލްސާގައި އުރީދޫ މޯލްޑިވްސްގެ ބޯޑަށް ޑިރެކްޓަރުން އައްޔަންކުރުން ވެސް ކުރިއަށްދިޔަ އެވެ. އެގޮތުން:ކުންފުނީގެ މެޖޯރިޓީ ހިއްސާދާރު، ވަތަނިއްޔާ އިންޓަނޭޝަނަލް ތަމްސީލުކުރުމަށް ފާތިމަތު ސުލްތޯން އަލް-ކުވާރީ އަލުން އައްޔަންކުރި އާންމު ހިއްސާދާރުންގެ ފަރާތުން ބޯޑުގައި އިންނަވާނެ ޑިރެކްޓަރަކަށް އަބްދުﷲ އަލީ ވަނީ އިންތިހާބުކޮށްފައިއުރީދޫން ވަނީ އެ ކުންފުނީގެ ހިއްސާދާރުން ކުރާ އިތުބާރަށް ޝުކުރު އަދާކޮށްފަ އެވެ. އަދި އެ ކުންފުނިން މަސައްކަތް ކުރަނީ ހިއްސާދާރުންގެ އަގު އިތުރުކޮށް، ދެމެހެއްޓެނިވި ފައިދާއެއް ހޯދުމަށާއި، ގައުމީ އަދި މުޖުތަމައުގެ ތަރައްގީގައި މުހިންމު ދައުރެއް އަދާކުރުމަށް ކަމަށް އެ ކުންފުނިން ބުންޏެވެ.ހަމައެއާއެކު އެ ކުންފުނީގެ އަމާޒަކީ ޑިޖިޓަލް ބާރުވެރި ރާއްޖެއެއް ބިނާކޮށް، ކަސްޓަމަރުންނަށް މިހާރަށްވުރެ ރަނގަޅު ޚިދުމަތްތައް ފޯރުކޮށްދިނުން ކަމަށް އުރީދޫން ބުންޏެވެ.