ޕެސިފިކް ސަރަހައްދުގައި ޗައިނާގެ މަތިންދާބޯޓު އުފުލާ ދެ އުޅަނދަކާ އެކު އެއްފަހަރާ ފުރަތަމަ ފަހަރަށް އޮޕަރޭޝަންތައް ކުރިއަށް ގެންދިއުމަކީ ޗައިނާގެ ބާރު ސިޔާސީ ގޮތުން ދައްކާލުމުގެ މެސެޖެއް ދިނުމުގެ ގޮތުން ކުރާ ކަމެއް ކަމަށް ޓައިވާންގެ ޑިފެންސް މިނިސްޓަރު ވެލިންޓަން ކޫ އިއްޔެ ވިދާޅުވެއްޖެ އެވެ.
ޖަޕާނުގެ ޑިފެންސް މިނިސްޓަރު ކުރީ ދުވަހު ވިދާޅުވީ ޗައިނާގެ މަތިންދާބޯޓު އުފުލާ އުޅަނދުތައް ދައްކާލުމުން ދޭހަވަނީ ޗައިނާގެ ބޯޑަރުން ބޭރުން އެ ގައުމުގެ ގާބިލުކަން ފުޅާކުރަން ބެއިޖިން އިން ބޭނުންވާ މިންވަރު ކަމަށެވެ.
ފުރަތަމަ ރަށުގެ ޗެއިންއިން ދެ ވަނަ ރަށުގެ ޗެއިނަށް ބަދަލުވުމަކީ ވަރަށް ސާފު ސިޔާސީ މެސެޖެއް ދޭ އަދި އެމީހުންގެ ބާރުވެރިކަން ފުޅާކުރުމުގެ ވިސްނުން ދައްކުވައިދޭ ކަމެއް ކަމަށް ވެސް އޭނާ ވިދާޅުވި އެވެ.
ފުރަތަމަ ރަށުގެ ޗެއިންއަކީ ޖަޕާނުން ފެށިގެން ޓައިވާނާ ހަމައަށް ފެތުރިފައިވާ ސަރަހައްދެކެވެ. ފިލިޕީންސާއި ބޯނިއޯ، ދެވަނަ ރަށުގެ ޗެއިން ޕެސިފިކް ސަރަހައްދަށް އިތުރަށް ފެތުރިފައިވާ އިރު، އޭގެ ތެރޭގައި އެމެރިކާގެ ސަރަހައްދެއް ކަމަށްވާ ގުއާމް ފަދަ ތަންތަން ހިމެނެ އެވެ.
އަންގާރަ ދުވަހު ޗައިނާގެ ކަނޑުގެ އަސްކަރިއްޔާއިން ބުނީ އެ އޮޕަރޭޝަންތަކަކީ އާދައިގެ ތަމްރީނުތަކެއް ކަމަށާއި އެއީ ވަކި ގައުމަކަށް ނުވަތަ ސަރަހައްދަކަށް އަމާޒުކޮށްގެން ހިންގާ އޮޕަރޭޝަނެއް ނޫން ކަމަށެވެ. ޗައިނާގެ އޮޕަރޭޝަނަލް ދެ ކެރިއަރު މިހާރު އޮތްއިރު، ތިން ވަނަ އުޅަނދަކީ ކަނޑުގެ ތަހުލީލުތައް ކުރިއަށް ގެންދިއުމުގެ މަރުހަލާގައި ބޭނުން ކުރާ އުޅަނދެކެވެ.
ޗައިނާއަކީ އެ ގައުމުގެ ގޮނޑުދޮށްތަކުގެ އިތުރަށް ދުރުގައި ތަމްރީންތައް ހަދައި، ހުނަރުތައް އިތުރުކުރަމުން އަންނަ ގައުމެކެވެ.
ތައިވާން ކައިރީ ޗައިނާ އިން ހިންގާ އަސްކަރީ ހަރަކާތްތައް ވަރަށް ގާތުން ޓައިވާނުން ބަލަ އެވެ. ޗައިނާ އިން ދެކޭ ގޮތުގައި ޓައިވާނަކީ ޗައިނާގެ ބައެކެވެ.
ސަލާމަތީ ލިއުންތަކާ އަދި އޮފިޝަލުން ވެސް ބުނެފައިވާ ގޮތުން، މެއި މަހުން ފެށިގެން ޗައިނާއިން ދަނީ އިރުމަތީ އޭޝިއާގެ ކަނޑުގެ ސަރަހައްދެއްގެ ތެރޭގައި އާދަޔާ ހިލާފަށް ގިނަ އަދަދެއްގެ ކަނޑުގެ ސިފައިންނާއި ކޯސްޓްގާޑުގެ އުޅަނދުތައް ފޮނުވައިގެން އެގައުމުގެ ބާރު ދައްކަމުންނެވެ.
ޖަޕާނުގެ ދިފާއީ ވުޒާރާއިން ބުނީ ހޮނިހިރު ދުވަހު ޕެސިފިކް ސަރަހައްދުގެ އެކި ސަރަހައްދުތަކުގައި މަތިންދާބޯޓު އުފުލާ ދެ އުޅަނދު، ލިއޮނިންގް އާއި ޝެންޑޮންގް ދަތުރުކުރަމުން ދިޔަ އިރު، އެ ދެ އުޅަނދު ވެސް ދަތުރުކުރީ ޖަޕާނަށް ނިސްބަތްވާ ދެކުނުގެ އެކަހެރި ރަށްތައް ކައިރިން ކަމަށެވެ.
މީގެ ކުރިން ޖަޕާނުން ބުނެފައި ވަނީ އިވޯ ޖިމާގެ އިރުމަތީގައި އޮންނަ އެކަހެރި ރަށެއް ކަމަށްވާ މިނަމިޓޯރިޝިމާ ކައިރީގައި އޮންނަ އެގައުމުގެ އެކްސްކްލޫސިވް އިކޮނޮމިކް ޒޯން (އީއީޒެޑް)ގެ ތެރޭގައި ލިއޮނިން ދަތުރުކޮށްފައިވާ ކަމަށެވެ.