ރޯދަމަހާ ގުޅޭ ފޮޓޯ ފޮނުވައިގެން އިނާމެއް ހޯދުމުގެ ފުރުސަތު "ހަވީރު"ން މިއަދު ހުޅުވާލައިފި އެވެ.މި މުބާރާތުގައި ފޮޓޯ ބައިވެރިކުރުމަށް، ރޯދަމަހު އެ މީހެއްގެ ދިރިއުޅުން ބައްޓަންވެފައިވާ ގޮތާއި ކުރާ އެކި ކަންތައްތަކުގެ ފޮޓޯ 7901236 އަށް ވައިބާ މެދުވެރިކޮށް ފޮނުވުމުން އެ ފޮޓޯއެއް "ހަވީރު އޮންލައިން"ގެ ހާއްސަ ސެކްޝަނެއްގައި ޝާއިއުކުރާނެ އެވެ. އިނާމު ލިބޭނީ އެ ސެކްޝަންގައި ހުންނަ ފޮޓޯތަކުގެ ތެރޭން، ރޯދަމަސް ނިމޭއިރު އެންމެ ގިނަ "ފޭސްބުކް ލައިކް" ލިބޭ ތިން ފޮޓޯއަކަށެވެ.މި މުބާރާތަށް ފޮޓޯ ވައިބާކުރާއިރު އެ ފޮޓޯއިން ދައްކުވައިދޭ އެއްޗެއް، އިނގިރޭސިން ނުވަތަ ލެޓިނުން ވަރަށް ކުރުކޮށް ލިޔެލަން ވާނެ އެވެ. އަދި އެ މީހެއްގެ ނަން ވެސް ފޮޓޯގެ ޑިސްކްރިޕްޝަންގައި ޖަހަން ޖެހޭނެ އެވެ.ފޮޓޯ މުބާރާތުން އެއްވަނަ އަށް ދާ ފަރާތަކަށް ފަރުނީޗަރު ފިހާރަ "އީވޯ ހޯމް" އިން 17،000 ރުފިޔާގެ އަގުހުރި މީޑިއާ ސެޓެއް ދޭނެ އެވެ. ދެވަނަ އަށް 5،000 ރުފިޔާގެ ފައިސާގެ އިނާމަކާ އެކު "ކޮޕިއާ ޕްލަސް" އިން ދޭ "ބްރަދާ" ޕްރިންޓަރެއް ލިބޭ އިރު ތިންވަނަ އަށް ދާ ފަރާތަކަށް ވެސް 3،000 ރުފިޔާ ލިބޭނެ އެވެ.މި ރޯދަމަހު "ހަވީރު"ން ވަނީ ކިޔުންތެރިންނަށް ބައިވެރިވެވޭނެ ފަދަ ތަފާތު ކަންތައްތަކެއް ހުޅުވާލާފަ އެވެ. އޭގެ ތެރޭގައި، ދީނީ އަދި މުނިފޫހިފިލުވުމުގެ ޕްރޮގްރާމްތައް ވެސް ހިމެނެ އެވެ.