“ދަ ކޯލް 2014” ގެ ނަމުގައި ޖަމްޢިއްޔަތުއްސަލަފުން އިންތިޒާމްކޮށްގެން ބާއްވަމުންދާ ހަރަކާތްތަކުގައި ބައިވެރިވެވަޑައިގަތުމަށް ރާއްޖެ ވަޑައިގެން އުޅުއްވާ ކެނެޑާގެ މަޝްހޫރު ޢިލްމުވެރިޔާ ޑރ. ބިލާލް ފިލިޕްސްގެ ޚާއްޞަ ބައްދަލުވުމެއް މިއަދު ބޭއްވުމަށް ހަމަޖައްސައފިއެވެ.ޖަމްޢިއްޔަތުއްސަލަފުން ހާމަކޮށްފައިވާ ގޮތުގައި“Introduction to Islamic Online University” [އިސްލާމިކް އޮންލައިން ޔުނިވާސިޓީގެ ތަޢާރަފެއް]މި މައުޟޫއަށް ޑރ. ބިލާލް ދެއްވާ ޕްރެޒެންޓޭޝަނެއްގެ އިތުރުން ސުވާލާއި ޖަވާބު ސެޝަނެއް މި ބައްދަލުވުމުގައި އޮންނާނެއެވެ. ބައްދަލުވުން ބޭއްވުމަށް ހަމަޖައްސާފައިވަނީ މިއަދު ހަވީރު 16:00 ގައި ޕޮލިޓެކްނިކްގެ އޮޑިޓޯރިއަމްގައެވެ.މި ބައްދަލުވުމުގައި ވީހާވެސް ގިނަ ބަޔަކު ބައިވެރިވުމަށް ޖަމްޢިއްޔަތުއްސަލަފުން އެދެއެވެ.