ނެދަލެންޑްސްއާ ދެކޮޅަށް ކުޅުނު ފޯރިގަދަ މެޗުގައި، ޖަޕާނުގެ ކޯޗު ހާޖިމޭ މޮރިޔާސޫ ދަނޑުގެ އަރިމަތިން ދެއްކި ބޯޑެއްގެ ސަބަބުން މުޅި ފުޓްބޯޅަ ދުނިޔޭގެ ސަމާލުކަން އެކަމަށް ހުއްޓިއްޖެއެވެ. ބޮޑެތި އަކުރުން ނަންބަރުތަކެއް ޖަހާފައިވާ ހުދު ކުލައިގެ ބޯޑެއް ބޭނުންކޮށްގެން އޭނާ ކުޅުންތެރިންނަށް އިރުޝާދު ދިން މަންޒަރު މިހާރު ވަނީ ސޯޝަލް މީޑިއާގައި ވައިރަލް ވެފައެވެ. މިކަމާ ފުޓްބޯޅަ ދިރާސާކުރާ ފަރާތްތަކުގެ މެދުގައި ބޮޑު ބަހުސެއް ވަނީ ފެށިފައެވެ. ގިނަ ބަޔަކު ގަބޫލުކުރާ ގޮތުގައި މިއީ އިދިކޮޅު ޓީމަށް ނޭނގޭ ގޮތަށް، ޖަޕާނުން ކުރިން ރާވާފައިވާ ޚާއްސަ އުކުޅުތަކެއް ކުޅުންތެރިންނަށް އެންގުމަށް ބޭނުންކުރި ޓެކްޓިކެކެވެ. އެމެރިކަން ފުޓްބޯޅައިގައި ބޭނުންކުރާ ފަދަ މި އުކުޅުގެ ސަބަބުން، ހަޅޭއްލަވައިގެން ވާހަކަދެއްކުމުގެ ބަދަލުގައި ވަރަށް އަވަހަށް އަދި ބަޔަކަށް ނޭނގޭ ގޮތަށް ޓީމުގެ ފޯމޭޝަނަށް ބަދަލު ގެނެވުނެވެ. މި ރޭވުންތެރިކަމުގެ ނަތީޖާ ވެސް ފެނުނެވެ. މެޗުގެ ފަހު މިނެޓުގައި ކޯނަރަކުން ޖަޕާނުން ލަނޑު ޖަހައި، 2-2 އިން މެޗު އެއްވަރުކުރިއެވެ. މޮރިޔާސޫގެ އިތުރުން ޓީމުގެ އޮފިޝލުންވެސް ހިމެނޭ-- ޖަޕާނުގެ ޔޮކޮހާމާ މެރިނޯސްއަށް ކޯޗުކޮށްދިން އޮސްޓްރޭލިއާގެ އޭންގް ޕޮސްޓެކޮގްލޫ ފަދަ ތަޖުރިބާކާރުން ބުނާ ގޮތުގައި މިއީ ހަމައެކަނި ވަގުތު ގުނުމުގެ ނިޒާމެކެވެ. ދަނޑުތެރޭގެ އަޑުގަދަކަމުން، ހާފް ނިމެން ނުވަތަ މެޗު ނިމެން ބާކީ އޮތް މިނެޓު ދެއްކުމަށް ކޯޗު ބޭނުންކުރި އާދައިގެ އުކުޅެކެވެ. ގްރޫޕް އެފްގެ މި މެޗުގައި ނެދަލެންޑްސްއިން ދެ ފަހަރު ކުރި ހޯދި ނަމަވެސް، ޖަޕާނުން ވަނީ ހިތްވަރާއެކު ފަހަތުން އަރައި މެޗު އެއްވަރުކޮށްފައެވެ. ކޮންމެ ވޯލްޑް ކަޕެއްގައިވެސް ޖަޕާނުން އަންނަނީ ހައިރާންކުރުވަނިވި ނަތީޖާތަކެއް ނެރެމުންނެވެ. އެގޮތުން ދުނިޔޭގެ ފުޓުބޯޅައިގެ ވަރުގަދަ ބާރުތަކުގެ މައްޗަށް މީގެކުރިންވެސް ވަނީ ނަތީޖާ ނެރެފައެވެ.