ރަސޫލް (ﷺ) ވަނީ މުޢާޛްގެފާނަށް ކޮންމެ ނަމާދަކަށްފަހު މިދުޢާ ނުކުރައްވަވައި ދޫކޮށް ނުލައްވަން ވަޞިއްޔަތްކުރައްވަވައި ޙަދީޘްފުޅު ކުރައްވަވައިފައެވެ.  
اللّهُـمَّ أَعِـنِّي عَلـى ذِكْـرِكَ وَشُكْـرِك ، وَحُسْـنِ عِبـادَتِـك 
ދުޢާގައި ހިމެނޭ މާނައީ: ޔާ ﷲ! އިނބަ ﷲ ހަނދުމަކުރުމަށާއި އިނބަ ﷲ އަށް ޝުކުރުވެރިވުމަށާއި އިނބަ ﷲ އަށް ރިވެތި ގޮތުގައި އަޅުކަންކުރުމަށް މިއަޅާއަށް އެހީތެރިވެވޮޑިގެންފާނދޭވެ!  
މިދުޢާ ކޮންމެ ނަމާދެއްގެ ގަހުގައި ކުރަން ރަސޫލް ﷺ ވަނީ ވަޞިއްޔަތް ކުރައްވަވައިފައެވެ.  
Mu’adh (رضي الله عنه) reported: The Messenger of Allah (صلى الله عليه وسلم) took hold of my hand and said, “O Mu’adh! By Allah I love you, so I advise you to never forget to recite after every prayer:
اللَّهُمَّ أَعِنِّي عَلَى ذِكْرِكَ، وَشُكْرِكَ، وَحُسْنِ عِبَادَتِكَ“
O Allah, help me remember You, to be grateful to You, and to worship You in an excellent manner”
[Abu Dawud] [Book 16, Hadith 1422] Source: Riyad as-Salihin » The Book of the Remembrance of Allah » 1422  
މިދުޢާކުރަންޖެހޭ ސަބަބަކީ އެކަންކަން އަމިއްލައަށް ކުރަން މަސައްކަތްކުރިނަމަވެސް ނުކުރެވޭތީއެވެ! ﷲ ތަޢާލާގެ ޙަޟްރަތުން ހިތްވަރު ބޭނުންވާތީއެވެ! އެންމެ މަތިވެރި ޛިކުރަކީ ﷲ ތަޢާލާ ދެއްވަވާ ނިޢްމަތްތަކަށް ޝުކުރުވެރިވުމާއިއެކު ކުރާ ޛިކުރެވެ! އަދި އެންމެ މަތިވެރި ދަރަޖައިގައި ޝުކުރުވެރިވުމަކީ އިޚްލާޞްތެރިކަމާއިއެކު އަޅުކަންކުރުމެވެ.  
މި ދުޢާގައި މިވަނީ އެހުރިހައި ބައިތަކެއް ހިމެނިފައެވެ. ﷲ ތަޢާލާ ހަނދުމަކުރުމާއި ޝުކުރުވެރިވުމާއި ރިވެތި ގޮތުގައި (އެންމެ ފުރިހަމަ ގޮތުގައި) އަޅުކަންކުރުން މިދުޢާގައިވަނީ ހިމެނިގެންނެވެ. އެހެންކަމުން މިއީ ވަރަށް މަތިވެރިދުޢާއެކެވެ. މިދުޢާގައި އެދި މިދަންނަވަނީ އެކަންކަން ކުރުމުގައި ތިމާއަށް އެހީތެރިވެވޮޑިގެން ދެއްވެވުމަށެވެ.  
އަދި އެއްކަންތައް ހަނދާންކޮށްލަން ބޭނުމެވެ. ބަންގީގެ އަޑު އިވެން ފެށުމުން އޮތީ ޢިޖާބަ ދިނުމެވެ. އެއީ އިމާމް މީހާ ކިޔާއެއްޗެއް ފަހަތުން ކިޔުމެވެ. ނަމަވެސް "އަވަހަށް ނަމާދަށް އަންނާށޭ! ފަލާޙް ލިބިގަންނަން އަންނާށޭ" ބުނުމުން އެބަ ކަލި ބަދަލުކުރަމުއެވެ. ކިޔަނީ
لاحول ولا قوة إلا بالله އެވެ. މިދަންނަވަނީ އެންމެ މަތިވެރިވަންތަކން ލިބިވޮޑިގެންވާ ﷲ ތަޢާލާގެ އިޛުނަފުޅާއި ވާގިފުޅާއިލައިގެން ކަމަށެވެ! އެހެނީ ނަމާދަށް ދެވޭނީ ﷲ ތަޢާލާގެ ވާގިފުޅާއިއކުގައެވެ.
 
--އިސްލާމީ ތިލަފަތުގެ ދަރުސަކުން