ދުނިޔޭގެ ރަސްމީ އެވޯޑްތަކުގެ ރަސްމިއްޔާތު: ސްޕެއިންގެ ރަން އުފާ
ނިއު ޖާޒީ، އެމެރިކާ - 2026 ވަނަ އަހަރުގެ ފީފާ ވޯލްޑް ކަޕްގެ ފޯރިގަދަ ފައިނަލް މެޗަށްފަހު، މުޅި ދުނިޔޭގެ ސަމާލުކަން ހުއްޓުނީ މުބާރާތުގެ އެންމެ ޝަރަފުވެރި ވަނަތަކާއި އެވޯޑްތައް ހާސިލްކުރި ތަރިންނަށެވެ. ސްޕެއިން އިން މުބާރާތުގެ ތަށި އުފުލާލިއިރު، އެޓީމުގެ ކުޅުންތެރިން ވަނީ ވަކިވަކި އެވޯޑްތަކުގައިވެސް ބޮޑު ކާމިޔާބީއެއް ހޯދާފަ އެވެ.
ރަން ބޯޅަ - މުބާރާތުގެ އެންމެ މޮޅު ކުޅުންތެރިޔާ
މިފަހަރުގެ ވޯލްޑް ކަޕްގައި މުޅި ދުނިޔެ ހައިރާންކޮށްލި އެންމެ މޮޅު ކުޅުންތެރިޔާގެ ޝަރަފު ނުވަތަ ގޯލްޑަން ބޯޅަ ހާސިލްކުރީ ސްޕެއިންގެ ކެޕްޓަން ރޮޑްރީ އެވެ. މުޅި މުބާރާތުގައި ސްޕެއިންގެ މެދުތެރެ ކޮންޓްރޯލްކޮށް، ގޭމް ރޭވުމުގައި އޭނާ ދެއްކި ތަފާތު ހުނަރަކީ ސްޕެއިންއަށް ތަށި ހޯދައިދިނުމުގެ އެންމެ ބޮޑު ބިންގަލެވެ. މި ކާމިޔާބީއާއެކު ރޮޑްރީ ވަނީ ވޯލްޑް ކަޕް، ޗެމްޕިއަންސް ލީގު، އަދި ބެލޮންޑިއޯ އެއްފަހަރާ ހާސިލްކުރި ތާރީހީ މަދު ކުޅުންތެރިންގެ ލިސްޓަށް އަރާފަ އެވެ.
މެންޗެސްޓަރ ސިޓީން ހާމަކުރި ރަސްމީ ބަޔާނެއްގައިވާ ގޮތުން ރޮޑްރީ މެޗަށްފަހު ބުނެފައިވަނީ "މިއީ އަހަރެންގެ ހަޔާތުގައި ލިބުނު އެންމެ ބޮޑު ޝަރަފު. އެކަމަކު މި އެވޯޑަކީ އަހަރެންގެ މުޅި ޓީމުގެ ބުރަ މަސައްކަތުގެ ނަތީޖާ. އަހަރެމެން މިއަދު މިތިބީ ތާރީހުގެ ތެރޭގައި."
އެންމެ މޮޅު ޒުވާން ކުޅުންތެރިޔާ--- ފޮޓޯ: ފަބްރީޒިއޯ ރޮމާނޯ/އިންސްޓަގްރާމް
ޓޮޕް ސްކޯރާ ނުވަތަ ގޯލްޑަން ބޫޓް ހާސިލްކުރި އެމްބާޕޭ--- ފޮޓޯ: ޔަހޫ ސްޕޯޓްސް
ރަން ބޫޓު - އެންމެ ގިނަ ގޯލު ޖެހި ކުޅުންތެރިޔާ
އާޖެންޓީނާގެ ލިއޮނަލް މެސީ ފައިނަލް މެޗުގައި ކުޅުނު ނަމަވެސް، ފްރާންސްގެ ކެޕްޓަން ކީލިއަން އެމްބާޕޭ ވަނީ 10 ގޯލާއެކު ގޯލްޑަން ބޫޓު ކަށަވަރުކޮށްފަ އެވެ. އެމްބާޕޭ ވަނީ ތިންވަނަ ހޮވި މެޗުގައި އިންގްލެންޑް ކޮޅަށް ޖެހި ގޯލުތަކާއެކު ޖުމްލަ 10 ގޯލު ހަމަކޮށް، 1970 ވަނަ އަހަރުގެ ފަހުން އެއް ވޯލްޑް ކަޕެއްގައި 10 ގޯލު ޖެހި ފުރަތަމަ ކުޅުންތެރިޔާގެ ޝަރަފު ހޯދާފަ އެވެ. 8 ގޯލާއެކު ދެވަނަ ލިބުނީ މެސީއަށެވެ.
ރަން އަންގި - އެންމެ މޮޅު ގޯލްކީޕަރު
ފައިނަލް މެޗުގައި އާޖެންޓީނާގެ އެމިލިއާނޯ މާޓީނޭޒް 12 ސޭވްއާއެކު ތާރީހީ ރެކޯޑެއް ހެދި ނަމަވެސް، މުޅި މުބާރާތުގެ އެންމެ މޮޅު ކީޕަރުގެ ޝަރަފު ލިބުނީ ސްޕެއިންގެ އުނާއި ސިމޮންއަށެވެ. އޭނާ ވަނީ ކުޅުނު މެޗުތަކުގައި ބައިކޮޅަށް އެންމެ ގޯލެއް ވަންނަންނުދީ، ގިނަ ކްލީން ޝީޓްތަކެއް ހަމަކޮށްފަ އެވެ. މިއީ ވޯލްޑް ކަޕްގެ ތާރީހުގައި ތަށި ހޯދި ޓީމަކުން އެންމެ މަދުން ގޯލު ގަބޫލުކުރި ރެކޯޑެވެ.
އެންމެ މޮޅު ގޯލްކީޕަރު (ގޯލްޑަން ގްލޯވް)--- ފޮޓޯ: ފަބްރީޒިއޯ ރޮމާނޯ/އިންސްޓަގްރާމް
އެންމެ މޮޅު ޒުވާން ކުޅުންތެރިޔާ
މުބާރާތުގެ އެންމެ މޮޅު ޒުވާން ކުޅުންތެރިޔާގެ މަގާމު ހާސިލްކުރީ ސްޕެއިންގެ ޒުވާން ޑިފެންޑަރު ޕައު ކުބާސީ އެވެ. 2026 ވަނަ އަހަރުގެ ފީފާ ވޯލްޑް ކަޕުގައި، އުމުރުން އެންމެ 19 އަހަރުގެ ޕައު ކުބާރްސީ ވަނީ އޭނާގެ އުމުރާ ނުބައްދަލު މޮޅު ކުޅުމެއް ދައްކައި، ސްޕެއިންގެ ފަހަތް ބެލެހެއްޓުމުގައި އެންމެ މުހިންމު ދައުރު އަދާކޮށްފަ އެވެ. ސްޕެއިން ޓީމުގެ ޑިފެންސްގެ މައިތަނބުގެ ގޮތުގައި ހުރެ، އޭނާ ދެއްކި ހަމަޖެހުމާއި، މެޗުތައް ކިޔަން އެނގުމުގެ ހުނަރާއި، އަދި ޓެކްޓިކަލް މޮޅުކަމުގެ ސަބަބުން ސްޕެއިންއަށް މެޗުގެ ކޮންޓްރޯލް ހޯދަން ފަސޭހަވި އެވެ. މުޅި މުބާރާތުގައި ސްޕެއިން ކޮޅަށް ވަނީ އެންމެ ގޯލެއްކަމަށް ވާއިރު، ތަށި އުފުލާލުމުގައި ކުބާރްސީގެ ހިއްސާ ބޮޑެވެ. މި މުބާރާތުގެ އެންމެ މޮޅު ޒުވާން ކުޅުންތެރިޔާގެ މަގާމު ހޯދައި، އޭނާ ވަނީ ދުނިޔޭގެ ފެންވަރުގެ މޮޅު ޑިފެންޑަރެއްގެ ގޮތުގައި ނަން މަޝްހޫރުކޮށްފަ އެވެ.
ތާރީހީ އެހެނިހެން ރެކޯޑުތައް: (ދި ގާޑިއަން އަދި ޓައިމްސް އޮފް އިންޑިއާއިން ހާމަކޮށްފައިވާ ގޮތުގައި)
* ބްރެޒިލްގެ ރެކޯޑާ އެއްވަރުވުން: ސްޕެއިން މިވަނީ ބްރެޒިލް އަދި އާޖެންޓީނާއަށްފަހު، އެއްވަގުތެއްގައި ބައްރުގެ ޗެމްޕިއަންކަމާއި (ޔޫރޯ 2024) ދުނިޔޭގެ ޗެމްޕިއަންކަން (ވޯލްޑް ކަޕް 2026) އެއްފަހަރާ ދެފަހަރު ހިފެހެއްޓި ތިންވަނަ ގައުމަށް ވެފަ އެވެ.
* އާޖެންޓީނާގެ ހިތްދަތި ނިމުން: އާޖެންޓީނާއަށް މި މެޗުން މޮޅުވިނަމަ ވޯލްޑް ކަޕްގެ ތާރީހުގައި ހުރިހާ މެޗަކުން މޮޅުވެގެން ތަށި ހޯދި ފުރަތަމަ ގައުމަށް ވެވުނީހެވެ. ނަމަވެސް ސްޕެއިންގެ ޑިފެންސްލައިނުން އެ ފުރުސަތު ބަންދުކޮށްލި އެވެ.