ރ. ރަސްމާދޫގައި ބޭންކް އޮފް މޯލްޑިވްސް (ބީއެމްއެލް) ގެ އޭޓީއެމްއެއް ބަހައްޓަން އެރަށު ކައުންސިލާ ހަވާލުކޮށްފިއެވެ.
އެ ރަށު ކައުންސިލާއި މި މަސައްކަތް ހަވާލުކުރީ ރާއްޖޭގެ ހުރިހާ ހިސާބަކަށް ބީއެމްއެލްގެ އޭޓީއެމް ހިދުމަތް ފޯރުކޮށްދިނުމަށް މިދިޔަ ނޮވެމްބަރު މަހު ސަރުކާރުން އިފްތިތާހުކުރި މަޝްރޫއުގެ ދަށުންނެވެ.
މި މަސައްކަތް ހަވާލުކުރުމުގެ ރ. ރަސްމާދޫގައި ބީއެމްއެލްގެ އޭޓީއެމް ބެހެއްޓުމަށް އެރަށު ކައުންސިލާއެކު އެއްބަސްވުމެއްގައި ވަނީ ސޮއިކޮށްފައެވެ. އެއްބަސްވުމުގައި ކައުންސިލްގެ ފަރާތުން ސޮއިކުރެއްވީ ރަސްމާދޫ ކައުންސިލްގެ ރައީސް މުޙައްމަދު އާސިފެވެ. ބީއެމްއެލްގެ ފަރާތުން މި އެއްބަސްވުމުގައި ސޮއިކުރެއްވީ އެ ބޭންކްގެ ޑިރެކްޓަރ އޮފް ރީޓެއިލް އެންޑް އެސްއެމްއީ ބޭންކިންގ ބަދުރުއްދީން ހަސަނެވެ.