ޕާކިސްތާނުގެ މަޝްހޫރު ބްރޭންޑެއް ކަމަށްވާ ކާލާ ބާސްމަތީ ހަނޑޫ އާރިއަމް ޕްރައިވެޓް ލިމިޓެޑުން ރާއްޖޭގެ މާކެޓަށް ނެރެފި އެވެ.
އާރިއަމް އިން ބުނީ ބާޒާރުގައި މިހާރު ލިބެންހުރި ބާސްމަތީ ހަނޑުލަށްވުރެ ކާލާ ބާސްމަތީ ހަނޑުލަކީ ފެންވަރު ރަނގަޅު މީރު ހަނޑުލެއް ކަމަށެވެ.
ކާލާ ބާސްމަތީ ހަނޑުލަކީ ކެއްކުމުން ތަތް ނުލަވާ ހަނޑުލަކަށްވުމުން، ބިރިއާނީފަދަ ކެއުންތައް ކެއްކުމަށް އެ ހަނޑޫ ބޭނުން ކުރެވޭ ކަމަށް އާރިއަމް އިން ބުންޏެވެ.
"ބާޒާރުގައި ލިބެން މިހުންނަ ބާސްމަތީ ހަނޑުލާއި މި ހަނޑުލުގެ އެންމެ ބޮޑު ތަފާތަކީ މި ހަނޑުލުގެ ކޮލިޓީ. މި ބާސްމަތީ ހަނޑުލުގައި ކައްކާއިރުގައި ހަނޑުލުން ދުވާ މީރު ވަސް. ދެވަނަ ކަމަކީ ހަނޑުލުގެ ފުށްތައް ބުރިބުރިވެގެނެއް ނުއެއްދާނެ. ހަނޑުލުގެ ފުށްތައް ވަރަށް ދިގުވާނެ،" އެ ފިހާރިއިން ބުންޏެވެ.
މީގެއިތުރުން ކާލާ ބާސްމަތީ ހަނޑުލަކީ ކެއްކުމަށްފަހު ފްރިޖުގައި ބަހައްޓައި ކުނި ނުވެ ގިނަ ދުވަސް ވަންދެން ރަހައަށް ބަދަލެއް ނައިސް ބޭނުން ކުރެވޭ ހަނޑުލެއްކަން އާރިއަމް އިން ފާޙަގަކުރެ އެވެ.
އާރިއަމް އިން އަބަދުވެސް މަސައްކަތް ކުރަނީ ކަސްޓަމަރުންނަށް ފެންވަރު ރަނގަޅު އުފެއްދުންތައް ފޯރުކޮށްދިނުމަށް ކަމަށް އެ ކުންފުނިން ބުންޏެވެ.
ޕޮލެންޑުގެ މަޝްހޫރު އަދި ދިވެހިންގެ އިތުބާރު ލިބިފައިވާ ސަންތޭ މަރުކާގެ އުފެއްދުންތަކުގެ ރާއްޖޭގެ ސޯލް ޑިސްޓްރިބިއުޓަރު، އާރިއަމްގެ ފިހާރަ ހުންނަނީ މާފަންނު ހަވީރީ ހިނގުމުގައި ކުރިން ހެއާ ކެއާ ފިހާރަ ހުރި ތަނުގަ އެވެ.
އާރިއަމްއިން އެތެރެކުރާ ބާވަތްތަކަށް އޯޑަރު ދިނުމަށް ފިހާރައަށް ޒިޔާރަތްކުރުމުގެ އިތުރުން 7395919 އަށް ގުޅައިގެން ވެސް އޯޑަރު ދެވޭނެ އެވެ. އަރިއާމްގެ ވެބްސައިޓުން އުފެއްދުންތައް ގަނެވޭނެ އެވެ