ގަނޑުކޮށްފައި ހުންނަ ރޯ ކަނޑުމަސް ކަރަންޓު ކީހެއްގެ އެހީގައި ކަނޑަނިކޮށް ފެނުނު އޭޝިޔާގެ ޤައުމަކަށް ނިސްބަތްވާ މީހެއް ސައުދީ އަރަބިއްޔާގައި ހައްޔަރު ކޮށްފި އެވެ.
ސައޫދީ އަރަބިއްޔާގެ މަދީނާގައި ހުންނަ އެކިއެކި ރެސްޓޯރަންޓް ތަކަށާއި އެފަދަ ތަންތަން އިންސްޕެކްޓް ކުރަމުން ދިޔަ ބަޔަކަށް މި މީހާ ފެނުނީ ކަރަންޓު ކީހެއްގެ އެހީގައި މަސް ކަނޑަނިކޮށެވެ.
މި މަހަކީ މަދީނާގެ އެކި ރެސްޓޯޜަންޓްތަކަށް ބެހުމަށް އެ ތަނުން ކަނޑާ މަހެވެ.
ސައޫދީ އަރަބިއްޔާގެ ޤަވާއިދުތަކުން ބުނާ ގޮތުގައި މިފަދަ ގޮތްގޮަށް މަސް ކެނޑުމަކީ ސިއްހަތަށް ގެއްލުން ވެދާނެ ކަމަކަށް ވެދާނެތީ، މިއީ މަނާ ކަމެކެވެ.
މީގެ އިތުރުން، އެތަނުގައި ކަނޑާ މަހަކީ ރަނގަޅު ގޮތުގައި ގަނޑުކުރެވި، ރަނގަޅު ފިނިހޫނުމިނުގައި ރައްކާ ކުރާ ތަކެއްޗަށް ނުވާ ކަމަށް އިންސްޕެކްޓަރުންނަށް ފާހަގަ ކުރެވުނެވެ.
އެހެން ކަމުން، އެތަނުގައި ހުރި ހުރިހާ މެޝިނަރީތަކާއި، މަސްތައް އަތުލައި، އެތަނުގައި މަސް ކަނޑަން އުޅުނު މަސައްކަތްތެރިޔާ ވަނީ ފުލުހުންގެ ބެލުމުގެ ދަށަށް ގެންގޮސްފަ އެވެ.