ދެކުނުގެ ރަށެއްގެ ސްކޫލުގެ ޓީޗަރަކު ދަރިވަރުންތަކެއް ގްރޫމްކޮށްގެން ޖިންސީ ގޯނާކުރި މައްސަލައެއް ފުލުހުން ބަލަން ފަށައިފި އެވެ.ފުލުހުން ބުނީ މ،ފ،ދ،ތ އަދި ލ، އަތޮޅުގައި ހިމެނޭ ރަށެއްގައި ސްކޫލުގެ ފިރިހެން ޓީޗަރަކު ދަރިވަރުންގެ އުމުރާ ނުގުޅޭ ވާހަކަ ދައްކައި ގްރޫމްކޮށްފައިވާ މައްސަލައެއް މިމަހުގެ 17 ވަނަ ދުވަހު ހުށަހެޅިފައިވާ ކަމަށެވެ.މި މައްސަލައިގެ އިތުރު ތަފްސީލު ފުލުހުން ހާމަކޮށްފައިނުވާއިރު، ފުލުހުން ބުނީ މި މައްސަލަ ތަހުގީގު ކުރަމުންދާ ކަމަށެވެ. މީގެ ކުރިން ވެސް ކުޑަކުދިން ގްރޫމް ކުރުމުގެ މައްސަލަތައް ފުލުހުން ބަލާފައިވެ އެވެ.