ސްކޫލް ކުއްޖެއްގެ ދަބަސް ވަގަށް ނެގި މީހާގެ ބަންދަށް 15 ދުވަސް ޖެހުމަށް ކްރިމިނަލް ކޯޓުން އަމުރުކޮށްފިއެވެ.
މި މައްސަލައާ ގުޅިގެން ހައްޔަރުކޮށްފައި ވަނީ ނ. ވެލިދޫ، ހިފާޒް، އަހުމަދު މާޖިދު (33އ)އެވެ.
ފުލުހުން ވަނީ އޭނާ ވަގަށް ނެގި ކަމަށް ތުހުމަތު ކުރެވޭ ދަބަށް އޭގެ ތެރޭގައި ހުރި ތަކެއްޗާއެކު ހޯދައި، ވެރިފަރާތާއި ހަވާލުކޮށްފައެވެ.
ކްރިމިނަލް ކޯޓުން އޭނާގެ ބަންދަށް 15 ދުވަސް ޖަހާފައިވާއިރު، އޭނާއާ ގުޅޭ ބަންދު އަމުރުގައި އޭނާއާ ހަވާލާދީ ބުނެފައި ވަނީ ދަބަސް ވަގަށް ނެގީ އޮޅިގެންކަމަށެވެ. އަދި ފަހުން ދަބަސް ހަވާލުކޮށްފައިވާ ކަމަށްވެސް ވަނީ ބުނެފައެވެ. އޭނާ އަކީ ކުށުގެ ރެކޯޑް އޮންނަ މީހެއް ކަމަށްވެސް ބަންދު އަމުރުގައި ބުނެފައިވެއެވެ.