ބަންޑާރަ މިސްކިތް ހުރި ތަނުގައި ޒަމާނީ ބޮޑު މިސްކިތެއް އެޅުމުގެ މަސައްކަތް ރޯދަމަހުގެ ފަހުން ފަށާނެ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު މިއަދު ވިދާޅުވެއްޖެ އެވެ.
ވީ ކިހިނެއް؟ - މިނިސްޓަރު މިއަދު ވިދާޅުވީ މިސްކިތުގެ މަސައްކަތަށް ބޭނުންވާ އެހީތެރިކަން ދީލަތި ފަރާތަކުން ހަމަޖެހިފައިވާ ކަމަށެވެ.
ތަފްސީލް - މިއާ އެކު، މާލޭގެ ބޮޑެތި ހުރިހާ މިސްކިތެެއް އާވެގެން ދިޔައީ ކަމަށް ވެސް ޝަހީމް ވިދާޅުވި އެވެ.
މާލޭގެ މަސްޖިދު ޔޫސުފުލް ބަރްބަރީ (ބަރުބަރީ މިސްކިތް) ވެސް މިފަހުން ވަނީ އަމިއްލަ ފަރާތެއްގެ އެހީގައި އަލުން ބިނާކޮށް ހުޅުވައިފަ އެވެ.
މީގެ އިތުރުން، މި ރޯދަމަހު ޖުމްލަ 19 މިސްކިތެއް ރާއްޖޭގެ އެކި ސަރަހައްދުތަކުގައި ހުޅުވޭނެ ކަމަށް ޝަހީމް ވަނީ މީގެ ކުރިން ވިދާޅުވެފަ އެވެ.