ސީގަލް ގްރޫޕުން ހުޅުމާލޭގައި ދެވަނަ ފިހާރައެއް އިއްޔެ ހުޅުވައިފި އެވެ.
ވީ ކިހިނެއް؟ - އިއްޔެ ހަވީރު 4ގައި ބޭއްވި ރަސްމިއްޔާތެއްގައި މި ފިހާރަ ހުޅުވައިދެއްވީ ރާއްޖެއަށް ކަނޑައަޅާފައި ހުންނަވާ އޮސްޓްރޭލިއާގެ ހައި ކޮމިޝަނަރު ޑޭވިޑް ޖެސަޕް އެވެ.
މި ފިހާރަ ހުންނަނީ ހުޅުމާލޭ ފޭސް 1ގެ ފިތުރޯނު މަގުގައި ހުންނަ އައިރާ ރެސިޑެންސްގަ އެވެ.
ތަފްސީލް - މި ފިހާރައިން ލިބޭނެ ތަކެތީގެ ތެރޭގައި:
ސީގަލް ފުޑްސްގެ ތާޒާ އަދި ފެންވަރު ރަނގަޅު ކާބޯތަކެތި 
ގޭގައި ބޭނުންކުރާ އެކި ބާވަތުގެ ތަކެތި
ފާހާނާގައި ބޭނުންކުރާ ތަކެތި 
ސާފުކުރުމަށް ބޭނުންކުރާ ތަކެތި 
ކުޑަކުދިންގެ ބޭނުންތަކަށް ބޭނުންވާ ތަކެތި 
ބޭކަރީ އަދި ޕޭސްޓްރީއަށް ހާއްސަ ބައެއް 
ސީގަލް ކެފޭގެ އައިސްކްރީމް
މި ފިހާރަ ހުޅުވާފައި ހުންނާނީ:
ހޮނިހިރުން ބުރާސްފައްޗަށް - ހެނދުނު 8:30 އިން ރޭގަނޑު 11އަށް 
ހުކުރު ދުވަސް - ހެނދުނު 8:30 އިން 10އަށް އަދި ހަވީރު 4 އިން ރޭގަނޑު 11އަށް
ފާހަގަކޮށްލެވޭ - ސީގަލް ގްރޫޕަކީ ފެންވަރު ރަނގަޅު ކާބޯތަކެތި އަތްފޯރާ އަގުގައި ފޯރުކޮށްދިނުމަށް މަސައްކަތްކުރާ ކުންފުންޏެކެވެ. ހުޅުމާލޭގައި ހުޅުވި ދެވަނަ ފިހާރައިގެ އިތުރުން ސީގަލްގެ ފިހާރަތައް ހުންނާނީ:
މާލޭގެ ޗާންދަނީމަގާއި އަމީނީމަގުގައި ހުންނަ ސީގަލް ފުޑްސް 
ހުޅުމާލޭ ފޭސް 2ގައި ހުންނަ ފިހާރަ