ކަރަންޓު އިސްރާފުނުކޮށް އެންމެ އެދެވިގެންވާ ގޮތުގައި  ބޭނުން ކުރުމަށް ސްޓެލްކޯއިން އެދެފިއެވެ.
ސްޓެލްކޯއިން މިއަދު ނެރުނު އިއުލާނެއްގައި ބުނީ، ކޮންމެ އަހަރެއްގެވެސް އެޕްރީލް އަދި މެއި މަހަކީ އަހަރުގެ އެންމެ ހޫނުގަދަ ދުވަސްތައް ކަމަށެވެ.  އެހެންކަމުން  އެދުވަސްވަރު ކަރަންޓު އިގުތިސޯދުކުރުމަށް ހާއްސަ ސަމާލުކަމެއް ދިނުމަށް  ސްޓެލްކޯއިން އެދުނެވެ.
މީގެއިތުރުން ކަރަންޓު އިސްރާފުވިޔަ ނުދީ ކޮންމެހެން ބޭނުންވާ މިންވަރަށް ބޭނުން ކުރުމަށް އިލްތިމާސްކުރާ ކަމަށްވެސް އެ އިއުލާންގައި ވަނީ ބުނެފައެވެ.
ކަރަންޓު ބިލު ކުޑަކުރުމުގެ ގޮތުން ނުވަތަ ކަރަންޓު އިގުތިސޯދު ކުރުމުގެ ގޮތުން ކުރާނެ ކަންތައްތަކުގެ ތެރޭގައި އޭސީ 25 ގައި ބެހެއްޓުމާއި ފަންކާއާއި އޭސީ އެއްފަހަރާ ބޭނުން ނުކުރުން ހިމެނޭކަމަށް ސްޓެލްކޯއިން ވަނީ ކުރިން ބުނެފައެވެ.