ބ. ކެންދޫގެ ބިން ހިއްކުމާއި ބަނދަރު ތަރައްގީކުރަން ކޮންސްޓްރަކްޝަން މިނިސްޓްރީން އެމްޓީސީސީއާ ހަވާލުކޮށްފި އެވެ.
ވީ ކިހިނެއް؟ - މިއަދު ކޮންސްޓްރަކްޝަން މިނިސްޓްރީގައި ބޭއްވި ރަސްމިއްޔާތެއްގައި އެ އެއްބަސްވުމުގައި ސޮއިކުރެއްވީ:
ކޮންސްޓްރަކްޝަން މިނިސްޓަރު ޑރ. އަބްދުﷲ މުއްތޮލިބު
އެމްޓީސީސީގެ އެމްޑީ އަހްމަދު ސައުދީ
ތަފްސީލު - އެ މަޝްރޫއު އެމްޓީސީސީއާ ހަވާލުކުރީ 119.3 މިލިއަން ރުފިޔާގެ އަގަކަަށް، 450 ދުވަހުގެ ތެރޭގައި ނިންމުމަށެވެ.
އެ މަޝްރޫއުގެ ދަށުން ކުރާ މަސައްކަތްތަކަކީ:
ބަނދަރާއި ނެރު ފުންކޮށްގެން 29،854 ކޮޑި މީޓަރުގެ ވެލި ނެގުން
112،016 އަކަ މީޓަރުގެ ސަރަހައްދެއްގެ ބިން ހިއްކުން
278 މީޓަރުގެ އެއްގަމު ތޮށި ޖެހުން
10 މޫރިން ބޮއި ހަރުކުރުން
ޖެޓީ އާއި ރޭމްޕު އެޅުން
971 މީޓަރުގެ ރިވެޓްމަންޓު، 62 ފައިކަށި އަދި 29 ނެރު ފައިކަށި ޖެހުން
9 ބަނދަރު ބައްތި އާއި 2 ނެރު ބައްތި ޖެހުން
އެއްގަމު ތޮށި ވަށައިގެން 5 މީޓަރު ފުޅާ ޕޭވްމަންޓް އެޅުން