ދިއްގަރުން: އަހުމަދު އާޒިފް ހުސްވެފައިވާ ރައްޔިތުންގެ މަޖިލީހުގެ ދިއްގަރު ދާއިރާގެ ގޮނޑިއަށް މެމްބަރަކު ހޮވުމަށް ބާއްވާ ބައި އިލެކްޝަންގެ ވޯޓުލުން އެ ދާއިރާގެ ހުރިހާ ރަށެއްގައި ފަށައިފި އެވެ. ވޯޓުލުން ފަށާފައި ވަނީ ހެނދުނު 8:00 ގައެވެ. ދިއްގަރު ދާއިރާގެ ބައި އިލެކްޝަންގައި ވޯޓުލުމަށް 2،555 މީހަކު ވަނީ ރަޖިސްޓްރީކޮށްފަ އެވެ. ދިއްގަރުގައި ވޯޓުލުމަަށް 823 މީހަކު ރަޖިސްޓްރީ ރަޖިސްޓްރީކޮށްފައި ވެއެވެ. އެ ދާއިރާގެ މަޑުއްވަރީގައި 303 މީހަކު ވޯޓުލާން ރަޖިސްޓްރީކޮށްފައިވާއިރު، ރަތްމަންދޫގައި 112 ވަނީ ވޯޓުލާން ރަޖިސްޓްރީ ކޮށްފައެވެ. އަދި ވޭވަށުގައި 170 މީހުން ރަޖިސްޓްރީ ކޮށްފައިވާއިރު މުލީގައި ވޯޓުލުމަށް 574 މީހަކު ރަޖިސްޓްރީކޮށްފައިވެއެވެ. މާލޭގައި 573 މީހަކު ވޯޓުލާން ވަނީ ރަޖިސްޓްރީ ކޮށްފައެވެ. މާލޭގައި ތިބި ދިއްގަރު ދާއިރާގެ ރައްޔިތުން ވޯޓުލުމަށް ވޯޓު ފޮށި ބަހައްޓާފައި ވަނީ އިސްކަންދަރު ސްކޫލްގަ އެވެ.