މާލޭގެ ބައެއް ސަރަހައްދުތަކުން ދާދި ދެންމެއަކު ކަރަންޓް ކެނޑިއްޖެ އެވެ.
ސްޓެލްކޯގެ މީޑިއާ އޮފޝަލް މިއަދު "ސަން"އަށް ވިދާޅުވީ ކަރަންޓް ކެނޑިފައި ވަނީ މާފަންނުގެ ސަރަހައްދަކުން ކަމަށާއި އެ މައްސަލަ ދިމާވީ އެ ކުންފުނީގެ ކުޑަ އިންޖީނަކަށް ދިމާވި ކުޑަ މައްސަލައަކާއި ގުޅިގެން ކަމަށެވެ. އަދި ވަރަށް އަވަހަށް އެ މައްސަލަ ހައްލުކޮށް އަލުން ކަރަންޓު ދޭން ފެށޭނެ ކަމަށް އޭނާ ވިދާޅުވި އެވެ.
ސުޓެލްކޯއިން މިއަދު ބޭއްވި ނޫސްވެރިންގެ މައުލޫމާތު ދެއްވަމުން އެކުންފުނީގެ މެނޭޖިން ޑިރެކްޓާ އަބްދުލް ޝުކޫރު ވިދާޅުވީ މާލެއިން ކަރްނޓު ނުކެނޑި ހިދުމަތް ދެވޭނެ ކަމަށާއި އަދި ފެން ނުލިބުމުގެ މައްސަލަ ހައްލު ނުވަނީސް މާލޭގެ އެއްވެސް ހިސާބަކުން ކަރަންޓު ނުކަނޑާނެ ކަމަށެވެ.