ލ. ފޮނަދޫއަށް ހިޖުރަކޮށްފައިވާ ލ. ގާދޫގެ ރައްޔިތުންނަށް ފޮނަދޫގެ ބަރާސިލް އަވަށުގައި އިމާރާތްކޮށްފައިވާ މިސްކިތް ނުހުޅުވި ދިގުލައިގެންދާތީ އެކަމާއި ކަންބޮޑުވާކަމަށް ގާދޫގެ ރައްޔިތުން ބުނެފި އެވެ.
ފޮނަދޫ ބަރާސީލް އަވަށުގައި ގާދޫ ރައްޔިތުންނަށް އާބާދުކޮށްފައިވާ ސަރަހައްދުގައި މިސްކިތެއް އިމާރާތްކުރުމަށް ހުސްވި ފެބުރުއަރީ މަހުގެ ތެރޭގައި ހަވާލުކޮށްފައިވަނީ އަމީން ކޮންސްޓްރަކްޝަނަށެވެ.
ގާދޫ ރައްޔިތުން އާބާދުކޮށްފައިވާ ބަރާސިލް އަވަށުގައި އިމާރާތްކޮށްފައިވާ 504 މީހުންގެ ޖާގައިގެ މިސްކިތުގެ މަސައްކަތް ރޯދައަށް ނިންމާލެވެނޭ ކަމަށް ލ. ފޮނަދޫ ކައުންސިލް އިދާރާއިން ކުރިން ބުނެފައިވެ އެވެ. ނަމަވެސް އެމިސްކިތް ރޯދަމަސް ނިމިގެން ދިޔައިރުވެސް ހުޅުވިފައި ނުވާތީ އެސަރައްދުގައި ދިރިއުޅެމުންދާ ގާދޫގެ ރައްޔިތުން ގެންދަނީ ކަންބޮޑުވުން ފާޅުކުރަމުންނެވެ.