މިދިޔަ އޮކްޓޯބަރު މަހުގެ 31 ވަނަ ދުވަހުގެ ރޭގެ ވަގުތެއްގައި އަމީނީ މަގުން ނޫސަންދަ ކްލިނިކް ކައިރިން ސައިކަލެއްގައި ދިޔަ މީހަކަށް ހަމަލާ ދިން މައްސަލައިގައި ފިލި 4 މީހުން ހައްޔަރު ކޮށްފައި ވަނީ ހއ. ދިއްދޫ އިން ކަމަށް ފުލުހުން ބުނެފިއެވެ.
އޮކްޓޯބަރު 31 ވަނަ ދުވަ ހުގެ ރޭ 9:28 ހާއިރު ހިންގި މި މާރާމާރީގައި ނިޔާވެފައި ވަނީ އުމުރުން 30 އަހަރުގެ ޒުވާނަކަށެވެ. ނުރައްކާތެރި ހަތިޔާރަކުން ބަޔަކު އެމީހާގެ ބޮލަށް ހަމަލާ ދީފައިވާ އިރު، އޭނާގެ ބޮލުގެ މެދުން 4 ސެންޓިމީޓަރުގެ ތަނެއް ޒަހަމް ވަނީ ޒަހަމްވެފައެވެ. އަދި އައިޖީއެމްއެޗްގައި އެމީހާއަށް ފަރުވާ ދިނުމަށް ފަހު ދޫކޮށްލާފައެވެ.
މި މާރާމާރިއާ ގުޅިގެން މައުލޫމާތި ހިއްސާ ކުރަމުން ފުލުހުން ބުނީ، އެރޭ ރައްދެބައި މަގާއި އަމީނީ މަގު ގުޅޭ ހިސާބުގައި ސައިކަލެއްގައި މަޑުކޮށްގެން އެ ޒުވާނާ ހުރި ކަމަށާއި އެއަށްފަހު އަމީނީ މަގުން ހުޅަނގަށް ސައިކަލުގައި ދިޔަ ކަމަށެވެ. އެ ވަގުތު އަމީނީ މަގުގެ ހުޅަނގުން އިރަށް އައި ދެ ސަކަލުގައި ތިބި ބަޔަކު ބާރު ސްޕީޑުގައި ދުއްވާފައި ގޮސް އެމީހާއާ އަރާ ހަމަކުރުމަށް ފަހު ނުރައްކާތެރި ހަތިޔާރަކުން އެމީހާގެ ބޮލަށް ހަމަލާ ދީފައިވާ ކަމަށެވެ. ހަމަލާ ދިނުމަށް ބޭނުންކޮށްފައިވާ ހަތިޔާރަކީ ދަނގަނޑު ބުރިއެއް ކަމަށް ބެލެވޭ ކަމަށް ފުލުހުން ބުނެއެވެ.
މި މާރާމާރީގައި ތުހުމަތު ކުރެވޭ މީހުންނަކީ މާރާމާރީގައި އަނިޔާ ލިބުނު މީހާއާއެކު ކުރިން އުޅެފައިވާ މީހުން ކަމަށް ފުލުހުން ބުނެއެވެ. އަދި އެ މީހުންނަކީ ކުށުގެ ރެކޯޑް އޮތް މީހުން ކަމަށާއި ކުށުގެ މާހައުލުގައި ހަރަކާތްތެރިވަމުން އަންނަ މީހުން ކަމަށް ވެސް ފުލުހުން ބުނެއެވެ. ހަމަލާ ދިން މީހުން ތައްޔާރު ވެގެން އައީ ހުޅުމާލެއިން ކަމަށާއި އަދި ހަމަލާ ދިނުމަށް ފަހު އެމީހުން ފިލަން ދިޔައީ ވެސް ހުޅުމާލެއަށް ކަމަށް ފުލުހުން ބުނެއެވެ.
މި މައްސަލައިގައި މާރާމާރީ ހިންގި މީހުން ފުލުހުން ވަނީ މި މަހުގެ ދެވަނަ ދުވަހު ހައްޔަރު ކޮށްފައެވެ. އެމީހުން ހައްޔަރު ކޮށްފައި ވަނީ އދ. ދިއްދޫ އިން ކަމަށާއި އަދި އެމީހުން ވަނީ ޝަރީއަތް ނިމެންދެން ބަންދުގައި ބޭތިއްބުމަށް އަމުރުކޮށްފައި ކަމަށް ފުލުހުން ބުނެއެވެ. އަދި މި މައްސަލަ ތަހުގީގު ކުރުމަށްފަހު ހައްޔަރު ކުރި މީހުންގެ މައްޗަށް ދައުވާ ކުރުމަށް ޕީޖީއަށް ފޮނުވުމުގެ މަސައްކަތް ކުރަމުން އަންނަ ކަމަށް ފުލުހުން ބުނެއެވެ.
މި މައްސަލަ އަކީ ވެސް މިހާރު ހުޅުމާލެއާ އި މާލޭގައި ގޭންގްތަކުގެ މެދުގައި ހިންގަމުން އަންނަ ސިލްސިލާ މާރާމާރީގެ މައްސަލަތަކާ ގުޅުން ހުރި މައްސަލައެއް ކަމަށާއި މި މައްސަލައަކީ މަސްތުވާތކެތީގެ މައްސަލަތަކާ ގުޅުން ހުރި މައްސަލައެއް ކަމަށް ފުލުހުން ބުނެއެވެ.