ރާއްޖޭގެ ރީތިކަމާއި މުއްސަނދި ސަގާފަތާއި ގުދުރަތީ މާހައުލުގެ މައްޗަށް ބިނާކޮށްފައިވާ ކުޅެމާ މޯލްޑިވްސްއަކީ، މުނިފޫހިފިލުވުމާއި ތައުލީމާއި ދެމެހެއްޓެނިވި ގޮތެއްގައި ކަންކަން ކުރުން ގުޅުވާލައިގެން، ދިވެހިންނާއި ރާއްޖެއަށް އަންނަ ފަތުރުވެރިންނަށް ހާއްސަ އުފެއްދުންތަކެއް ނެރެމުން އަންނަ ބްރޭންޑެކެވެ. ރާއްޖޭގެ ސަގާފަތާއި ތިމާވެށި ހިމާޔަތްކުރުމުގެ މަގްސަދާ އެކު، ކުޅެމާ މޯލްޑިވްސް އިން މަސައްކަތް ކުރަމުން އަންނަނީ ރާއްޖެއާ ބެހޭ ގޮތުން މައުލޫމާތު ފޯރުކޮށްދީ، ގުޅުން ބަދަހިކޮށް، ދިވެހިވަންތަކަމަށް ފަހުރުވެރިވުމަށް ހިތްވަރު ދިނުމަށެވެ.
ހުސެން އަބްދުﷲ 2021ގައި ކުޅެމާ އުފެއްދީ ކޮވިޑް-19ގެ ސަބަބުން ގޭގައި ތިބެން ޖެހުނު ދުވަސްވަރު، އާއިލީ ކަމެއްގެ ގޮތުގަ އެވެ. ދިވެހި ސަގާފަތާއި ރާއްޖެ އުފެދިފައިވާ ގޮތާއި ދިރޭތަކެތި ފާހަގަކޮށްދޭ މަޖާ، ތައުލީމީ ވަސީލަތްތަކެއް އުފެއްދުމަކީ ހުސެންގެ ހުވަފެނެކެވެ. ހުނަރުވެރި ހަރަކާތެއްގެ ގޮތުގައި ފެށި މި މަސައްކަތް، ކުޑަ ދުވަސްކޮޅެއްގެ ތެރޭގައި އެންމެންގެ މަގުބޫލުކަން ހޯދައި އަހަރެއްގެ ތެރޭގައި ހަ އުފެއްދުން ނެރެވުނެވެ. މިއަދު، ކުޅެމާ އަކީ އާއިލާތަކާއި މުދައްރިސުންނާއި ރާއްޖެއާ ގުޅުން ހުރި މުހިންމު ކަންކަން ދަސްކުރަން ބޭނުންވާ ފަތުރުވެރިންނަށް މަގުބޫލު ބްރޭންޑެކެވެ.
ކުޅެމާގެ އުފެއްދުންތަކަކީ ރާއްޖޭގެ ސަގާފަތާއި ދިވެހިވަންތަ ރޫހުން ފުރިފައިވާ އުފެއްދުންތަކެކެވެ. ކުޅެމާ އިން ވަނީ ކުޑަކުދިންނާއި ބޮޑެތި މީހުންނަށް ވެސް މުނިފޫހިފިލުވުމާއި ތައުލީމު އެކުއެކީގައި ގެނެސްދީފަ އެވެ. އެގޮތުން، ކުޅެމާގައި ހިމެނޭ ބައެއް ތަކެތީގެ ތެރޭގައި:
މޯލްޑިވްސް މެމޮރީ ގޭމް: ދިވެހި ކަނޑުގެ ދިރުންތަކުގެ ތަފާތު ދިރިއުޅުމުގެ މަރުހަލާތައް ދަސްކުރަމުން މެމޮރީ ހުނަރުތައް އިތުރުކުރާ ގޭމެއް
އޯޝަން ފްލެޕް ބުކް: ކަނޑުގެ ދިރުންތަކާ ބެހޭ ގޭމެއް
ދިވެހި ދިރުން: ރާއްޖޭގެ ގުދުރަތީ ދިރުންތައް ދައްކުވައިދޭ ކާޑު ގޭމެއް
ބެރީސް ބިގް ރިޔޫނިއަން (މި ހަފްތާގައި ނެރޭ): މި ކުޑަކުދިންގެ ފޮތުން، ބުލީ ކުރުމާއި ކުލާސްރޫމްގެ ހަމަނުޖެހުންތަކާ ބެހޭ ގޮތުން 5-10 އަހަރުގެ ކުދިންނަށް މައުލޫމާތު އުނގަންނައިދޭ
ޓޯއި ޕަޒުލް ކިއުބް: ދިވެހި ކަނޑުގެ ދިރުންތަކުގެ ރީތި ކުރެހުންތައް ހިމެނޭ ޕަޒްލްއެއް
މޯލްޑިވްސް އެކްޓިވިޓީ ބުކް: ކުދިންނަށް ހާއްސަކޮށް ތައްޔާރުކޮށްފައިވާ މި ފޮތްތަކުގައި ކުލަޖެއްސުމާއި ކުއިޒްތަކާއި ސްޓިކާ އާއި ގޭތެރޭގައި އަދި ބޭރުގައި ކުރެވޭ ހަރަކާތްތައް ހިމެނޭ
ކުޅެމާ އިން ތިމާވެށީގެ މަސްއޫލިއްޔަތުތަކަށް އިސްކަންދެ އެވެ. ރީސައިކަލް ކުރެވޭ ތަކެތި ބޭނުންކުރުމުން ފެށިގެން، ޕެކޭޖިންގައި ޕްލާސްޓިކް މަދުކުރުމާ ހަމައަށް، ކޮންމެ އުފެއްދުމަކުން ދެމެހެއްޓެނިވި ގޮތް އިސްކުރުމަށް ކުޅެމާ އިން ބާރުއަޅަ އެވެ.
ކުޅެމާއަކީ ހަމައެކަނި ބްރޭންޑެއް ނޫނެވެ. މިއީ ދިވެހިވަންތަކަން ފާހަގަކުރުމާއި ދެމެހެއްޓެނިވި މުސްތަގުބަލަކަށް ކުރެވޭ މަސައްކަތެކެވެ. ބެލެނިވެރިއަކަށް ވިޔަސް، މުދައްރިސަކަށް ވިޔަސް ނުވަތަ ފަތުރުވެރިއަކަށް ވިޔަސް، ރާއްޖޭގެ ރީތިކަން ހޯދައި ދަސްކޮށް، ގަދަރުކުރުމަށް ކުޅެމާ އިން ހާއްސަ ގޮތެއް ފަހިކޮށްދެ އެވެ. ކުޅެމާއާ އެކު، ކޮންމެ ގޭމެއް، ކޮންމެ ފޮތެއް އަދި ކޮންމެ ހަރަކާތަކީ ރާއްޖޭގެ 'ހިތު'ގެ ތެރެއަށް ކުރާ ދަތުރެކެވެ.
ކުޅެމާގެ އުފެއްދުންތައް ލިބެން ހުންނާނީ:
އޮންލައިންކޮށް
ސީ ގިއާ އަދި އޮތެންޓިކް މޯލްޑިވްސްގެ ފިހާރަތަކުން
ރާއްޖޭގެ އެކި ރީޓެއިލް ފިހާރަތަކުން ވެސް ލިބެން ހުންނާނެ