އެހެން ދުވަސްވަރުތަކާ ހިލާފަށް މި ދުވަސްވަރު ޖައްވު ހޫނުވުމުގެ ސަބަބުން ރޭގަނޑުގެ ވަގުތުތަކުގައިވެސް ކަރަންޓު އުފައްދަންޖެހޭ މިންވަރު އިތުރުވެފައިވާ ކަމަށް ސްޓެލްކޯއިން ބުނެފި އެވެ.
އެސްޓީއޯއިން މިއަދު ނެރުނު ބަޔާނެއްގައި ބުނީ، އޭޕްރިލް އަދި މެއި މަހަކީ މިއަހަރު ރާއްޖެއަށް އެންމެ ހޫނު ގަދަވާނެ ދުވަސްތައް ކަމުގައި ކަމާބެހޭ އިދާރާތަކުން ލަފާކޮށްފައިވާ ކަމަށެވެ.
އަދި މި ދުވަސްތައް ރޯދަމަހާ ދިމާވުމުން ކަރަންޓު ބޭނުންކުރާ މިންވަރު އިތުރުވެފައިވާ ކަމަށްވެސް ބުންޏެވެ.
އެހެންކަމުން ކަރަންޓު ބޭނުން ކުރުމުގައި އިތުރަށް ސަމާލުވެ، ކަރަންޓު އިގުތިސާދު ކުރުމަށް ހާއްސަ ސަމާލުކަމެއް ދިނުމަށް ސްޓެލްކޯގެ ބަޔާނުގައި އިލްތިމާސްކޮށްފައިވެ އެވެ.
ކޮންމެ އަހަރެއްގެ ވެސް ހޫނު ގަދަ ދުވަސްވަރު ކަރަންޓު ބިލް ވަރަށް ބޮޑުވެ އެވެ.