ޕާކިސްތާނުގެ މަޝްހޫރު ޝައިޚް ޛުލްފިޤާރު އަޙްމަދު އަކީ އޭނާގެ މަޑުމައިތިރި، ލޯބިވެތި ބަސްމަގާއި، ހިތްތަކަށް ރޫޙާނީ ދިރުން ގެނެސް، ލޯތަކުން ޝައުޤުގެ ކަރުނަ ފާއްދާ ދަރުސްތަކަށް މުޅި ދުނިޔޭގައި މަޤުބޫލު ބޭފުޅެކެވެ. ނަމަވެސް ދިވެހި ބަހުން ޚުލާޞާ އެއް ލިޔެލާނަމެވެ:
އަޅުކަމުގެ ހަޤީޤީ ފޮނިކަމަކީ މިއީ ޑރ. މަޢުރޫފް ހުސައިންގެ ލިޔުއްވުމެކެވެ. ދެކެވާ ލޯތްބެވެ.
​އަޅުކަމަކީ ހަމައެކަނި އަދާ ކުރަން ޖެހޭތީ ކުރާ ކަންތަކަށް ވުމުގެ ބަދަލުގައި، އެއީ ޚާލިޤުވަންތަ ރަސްކަލާނގެއާ އޮންނަ ލޯބީގެ ގުޅުމަކަށް ވާންޖެހެ އެވެ.
"ބައެއް ​ފޮތެއްގައި ލިޔެވިގެންވެއެވެ. ﷲ ﷻ ތަޢާލާ އަޅަކާއި މެދު ރުހިވޮޑިގެންފިނަމަ، ބައެއް ފަހަރު ދުވާލަކު 70 ފަހަރު އެ އަޅަކާ މެދު ލޯތްބާއެކު ބައްލަވައިވޮޑިގަންނަވައެވެ. އިންސާނާގެ ހިތަކީ ކިހާ މަތިވެރި އެއްޗެއް ހެއްޔެވެ؟ ﷲ ﷻ ގެ އެ މަތިވެރި ނޫރާއި ތަޖައްލީތަކަށް ކެތްކުރުމުގެ ބާރު އިންސާނާގެ ހިތަށް ﷲ ﷻ ވަނީ ދެއްވާފަ އެވެ. މިއީ މަލާއިކަތުން ވެސް އިންސާނާގެ މަތިވެރިކަމާ މެދު ހައިރާންވާ ކަމެކެވެ."
​އަޅުކަމަކީ އުފުލަން ޖެހޭ "ބުރައެއް" ނޫނެވެ. އެއީ "ބައްދަލުވުމެކެވެ".
​ހިތުގައި ﷲ ﷻ ގެ ލޯބި ފުރިހަމައަށް އޮވެއްޖެ ނަމަ، އަޅުކަން ކުރުމަކީ ބުރަ ކަމެއްގެ ބަދަލުގައި ލިބޭ ވަރަށް ބޮޑު އުފަލަކަށް ވެގެންދެއެވެ. ގިނަ ފަހަރަށް އަޅުގަނޑުމެން ނަމާދު މިކުރަނީ "ވާޖިބެއް" އަދާކޮށް ނިންމާލުމުގެ ގޮތުންނެވެ. ނަމަވެސް ޙަޤީޤީ ލޯބިވެރިޔާ ހުންނާނީ އެއް ނަމާދު ނިމުމުން އަނެއް ނަމާދުގެ ވަގުތު ޖެހި، އޭނާގެ "ޔާރު" (ﷲ) އާ ބައްދަލުވާނެ ވަގުތުގެ އިންތިޒާރުގައެވެ.
​ކީރިތި ރަސޫލާ ﷺ ބިލާލުގެފާނަށް ޙަދީޘް ކުރައްވަމުން ގެންދެވިއެވެ: "އޭ ބިލާލެވެ! ބަންގި ގޮވާށެވެ. ތިމަންކަލޭގެފާނުގެ ލޮލަށް ފިނިކަން (ނަމާދުން) ހޯދައިދޭށެވެ."
​
​އަޅުގަނޑުމެން ގިނަ ފަހަރަށް ޞަވާބުގެ ހިސާބު ބަލައިގެން އަޅުކަން ކުރި ނަމަވެސް، ﷲ ﷻ ގެ ޢާޝިޤުން އަޅުކަންކުރަނީ ހަމައެކަނި ޞަވާބުގެ ދަހިވެތިކަމުގައެއް ނޫނެވެ. އެމީހުންގެ މަޤްޞަދަކީ އެކަލާނގެއަށް "ބަންދަގީ" ކުރުމެވެ. (ފާރިސީ / އުރުދޫ ޅެންވެރިކަމާއި ރޫޙާނީ ބަހުރުވައިގައި "ބަންދަގީ" މިބަސް ބޭނުންކުރަނީ ﷲ ﷻ އާއި އަޅާއާއި ދެމެދު އޮންނަ ވަރުގަދަ ލޯތްބާއި ކިޔަމަންތެރިކަމުގެ ގުޅުން ސިފަކުރުމަށެވެ.) އެމީހުންނަށް ޞަވާބާއި ޢަޒާބަށްވުރެ ބޮޑީ ﷲ ﷻ ގެ ލޯތްބާއި ރުހިވޮޑިގަތުމެވެ. އެމީހުންގެ ހިތުގައި އޮންނަނީ ޅެންވެރިއަކު ކިޔާފައިވާ ބައިތެއްގައި މިވާ ފަދަ ޝުޢޫރުތަކެކެވެ:
​
"އަހަރެމެންގެ މަޤްޞަދަކީ ހަމައެކަނި އަޅުކަންކުރުމެވެ. ޞަވާބާއި ޢަޒާބުގެ ހިސާބު ބަލާކަށް އަހަރެމެން ނެތީމެވެ. ލޯބިވާ (ޢިޝްޤުވެރި) މީހުން ޞަވާބުގެ ހިސާބުތަކެއް ނުބަލާނެއެވެ."
​
ޝައްކެތް ނެތް ގޮތުގައި މުސްލިމުން ﷲ ﷻ އަށް އަޅުކަން ކުރާ މައިގަނޑު އެއް ސަބަބަކީ ޞަވާބާއި ސުވަރުގެއަށް އެދޭ އެދުމާއި ނަރަކަޔާއި ޢަޒާބަށް ބިރުވެތި ވުމެވެ. މިކަން އޮތީ މިހެން ކަމުގައިވިޔަސް މިތާގައި ޝައިޚު އެވިދާޅުވާ ބަސްފުޅު ތަކުގެ މަޤްޞަދަކީ ނަމާދުފަދަ އަޅުކަންތަކަކީ ހަމައެކަނި ކުރަން ޖެހޭތީ ކުރާ ހަރަކާތްތަކަކާއި ކިޔާ ކިޔެވެލި ތަކަށް ހެދުމުގެ ބަދަލުގައި، އެއީ ﷲ ﷻ އަށްޓަކައި ހިތުގެ ފުންމިނުން ކުރެވޭ ލޯބިވެތި ބައްދަލުވުމެއް ކަމުގައި ހަދަމާ ހިނގާށެވެ. އޭރުން އަޅުކަމުގެ ހަޤީޤީ ފޮނިކަން އަޅުގަނޑުމެންނަށް އިޙްސާސް ކުރެވޭނެއެވެ.
ޝައިޚު ޙުސޭން ޞަލާޙުއްދީން ވިދާޅުވާފަދައިން ޙަގީގީ މާނައެއް ހުރި ލޯތްބަކީ ﷲ އަޅާދެކެ ވެ ވޮޑިގަންނަވާ ލޯތްބެވެ. އެލޯބި ލިބޭނީ އެކަލާނގެ އެންމެ ލޯބި ވެ ވޮޑިގެންވާ ޙަބީބު ﷺ ގެންނެވި މަގުން ހިނގައި އެކަލޭގެފާނަށް ތަބާ ވުމުންނެވެ. އާދެ،
قُلْ إِن كُنتُمْ تُحِبُّونَ اللَّهَ فَاتَّبِعُونِي يُحْبِبْكُمُ ﷲ
(​"ކަލޭގެފާނު ވިދާޅުވާށެވެ! ތިޔަބައިމީހުން ﷲ ދެކެ ލޯބިވާކަމަށް ވަނީނަމަ، ފަހެ، ތިޔަބައިމީހުން ތިމަންކަލޭގެފާނަށް ތަބާވާށެވެ! އޭރުން ﷲ ތިޔަބައިމީހުން ދެކެ ލޯބިވެވޮޑިގަންނަވާނެތެވެ.")
ނޯޓް: މިއީ ޑރ. މަޢުރޫފް ހުސައިންގެ ލިޔުއްވުމެކެވެ.