މި އަހަރު ރޯދަ މަހަށް ދިވެހިރާއްޖޭގެ ރައްޔިތުންނަށް ސަޢޫދީ ޢަރަބިއްޔާއިން ހަދިޔާކުރި ކަދުރު އަންނަ ހޯމަ ދުވަހުން ފެށިގެން ބަހަން ފަށަން ނިންމައިފިއެވެ. އިސްލާމިކް މިނިސްޓްރީން ބުނީ ކަދުރު ބަހަން ނިންމާފައި ވަނީ އަންނަ ހޯމަ ދުވަހުން ފެށިގެން އަންނަ ފެބްރުއަރީ މަހުގެ ހަ ވަނަ ދުވަހުގެ ނިޔަލަށް, ރަސްމީ ކޮންމެ ދުވަހެއްގެ ހެނދުނު 9:30 އިން 13:00 އަށް ކަމަށެވެ. މާލެއާއި ހުޅުމާލެއާއި ވިލިމާލޭގައި ދިރިއުޅޭ ރައްޔިތުންނަށް ކަދުރު ބަހަނީ މިނިސްޓްރީ އޮފް އިސްލާމިކް އެފެއާޒު މެދުވެރިކޮށް އިސްލާމީ މަރުކަޒުގައެވެ. އަދި ރަށްރަަށަށް ނުވަތަ އަތޮޅުތެރެއަށް ކަދުރު ބަހަނީ، ރަށު ކައުންސިލުތަކާއި ސިޓީ ކައުންސިލްތައް މެދުވެރިކޮށެވެ. ކަދުރު ބަހަން ހަމަޖައްސާފައި ވަނީ މީހުން ދިރިއުޅޭ ގޭބިސީތަކުގެ ތެރެއިން ކަދުރުބަލައި ހާސިރުވާ ތަރުތީބުން، ކޮންމެ ގޭބިސީއަކަށް އެއް ޕެކެޓް ކަދުރެވެ. ސަޢޫދީ ޢަރަބިއްޔާއިން ހަދިޔާކުރެއްވި ކަދުރާ ހަވާލު ވެލެއްވުން -- ގޭބިިސީއަށް ކަދުރު ބަހަނީ، އެ ގޭބިސީއެއްގެ ކަރަންޓް މީޓަރުގެ ނަންބަރަށް ބަލައި އަދި ކަދުރާ ހަވާލުވާ މީހެއްގެ ދިވެހި ރައްޔިތެއްކަން އަންގައިދޭ ކާޑަށް ބެލުމަށްފަހުއެވެ. މި އަހަރު ދިވެހިރާއްޖޭގެ ރައްޔިތުންނަށް ސަޢޫދީ ޢަރަބިއްޔާއިން ހަދިޔާކުރެއްވި ކަދުރާ ދިވެހި ސަރުކާރުގެ ފަރާތުން ހަވާލުވެލެއްވީ އިސްލާމީ މަރުކަޒުގެ އިސް އިމާމު ފަޟީލަތުއްޝައިޚް މުޙައްމަދު ލަޠީފްއެވެ. ސަޢޫދީ ޢަރަބިއްޔާއިން ހަދިޔާކުރެއްވި ކަދުރާ ހަވާލު ވެލެއްވުން--- މި އަހަރު ސަޢޫދީ ޢަރަބިއްޔާގެ ސަރުކާރުން 50 ޓަނުގެ ކަދުރު ވަނީ ރާއްޖެއަށް ހަދިޔާކޮށްފައެވެ. އިސްލާމިކް މިނިސްޓްރީން ބުނީ މި އަހަރު ކަދުރު ދޭ ޖަމިއްޔާތަކުގެ ތެރޭގައި ރޯދަވިއްލުންތައް އިންތިޒާމު ކުރާ ޖަމިއްޔާތައް ހިމެނޭ ކަމަށެވެ. އެހެެންވެ، އެކަމަށް ޝައުގުވެރިވާ ޖަމިއްޔާތަކުން އެ މިނިސްޓްރީގައި ނަން ނޯޓު ކުރުމަށް ވަނީ ހުޅުވާލާފައެވެ.