ރައީސް އިބްރާހިމް މުހައްމަދު ސޯލިހް، މިއަދު ހަވީރު ނޫސްވެރިންނާއި ބައްދަލުކުރައްވާނެކަމަށް ރައީސް އޮފީހުން ބުނެފި އެވެ.ރައީސުލްޖުމްހޫރިއްޔާގެ އޮފީހުން ވިދާޅުވީ، ރައީސް ނޫސްވެރިންނާއި ބައްދަލުކުރެއްވުން އޮންނާނީ ވާރޗުއަލްކޮށްކަމަށެވެ. މިނިއުސްކޮންފަރެންސް އޮންނާނީ މިއަދު ހަވީރު 16:00 ޖަހާއިރުއެވެ. ރައީސުލްޖުމްހޫރިއްޔާ އެންމެފަހުން ނޫސްވެރިންނާ ބައްދަލުކުރެއްވީ މިދިޔަ އަހަރުގެ ޖޫންމަހުގެ 23 ވަނަ ދުވަހުއެވެ.މިސަރުކާރުން ނޫސްވެރިންނާއި ގާތް ގުޅުމެއް ބާއްވާނެކަމަށާއި، ޚިޔާލުފާޅުކުރުމުގެ މިނިވަންކަން މިސަރުކާރުން ދެއްވާނެކަމަށް ރައީސް ވަނީ ވަޢުދުވެވަޑައިގެންފައެވެ.