އިންތިހާބުތަކުގެ ނަތީޖާ މިހާރު ނުކުންނަނީ ރައްޔިތުން ވޯޓްލާ ގޮތަށް ނޫން ކަމަށް ވިދާޅުވެ ކުރީގެ ރައީސް މައުމޫނު އަބްދުލް ޤައްޔޫމް ވާހަކަފުޅު ދައްކަވާފައިވާ ސަބަބު އޮޅުން ފިލުވަން އިލެކްޝަނުން މަސައްކަތް ފަށައިފި އެވެ.
ކޮމިޝަނުގެ ރައީސް ފުއާދު ތައުފީޤު ވިދާޅުވީ އެ ކޮމިޝަނުގެ މައްޗަށް ރައްޔިތުންގެ އިތުބާރު ނެތް ކަމަށް ދޭހަވާ ގޮތަށް މައުމޫނު ދެއްކެވި ވާހަފުޅުކަތަކުގެ ސަބަބަބީ ކޮބައިތޯ ބެއްލެވުމަށް މައުމޫނަށް ސިީޓީއަކުން ދެންނެވުމަށް އެ ކޮމިޝަނުގެ މެންބަރުން ނިންމަވާފައިވާ ކަމަށެވެ.
''މައުމޫނު އެ ގޮތަށް ވާހަކަފުޅު ދެއްކެވި ސަބަބު ހޯދަން އިލެކްޝަންސް ކޮމިޝަނުގެ މެންބަރުން ބޭނުންވޭ. އެއީ ކޮން އިންތިހާބެއްގެ ނަތިޖާއާ ގުޅިގެން ދެއްކެވި ވާހަކަފުޅެއްތޯ ބަލަން ބޭނުންވަނީ. އަޅުގަނޑުމެން މިހާރު ނިންމާފައިވަނީ ސިޓީއަކުން އެމަނިކުފާނަށް ދެންނެވުމަށް އެ ވާހަކަފުޅުތައް ދެއްކީ ކޮން ސަބަބަކާ ގުޅިގެންތޯ އިލެކްޝަންސް ކޮމިނަށް އަންގަވާދެއްވުމަށް.'' ފުއާދު ވިދާޅުވި އެވެ.
އެ ކޮމިޝަނުން އެ ސިޓީ މައުމޫނުގެ އަތްޕުޅަށް މާދާމާގެ ވަގުތެއްގައި އެރުވޭތޯ މަސައްކަތް ކުރައްވަމުން ގެންދަވާ ކަމަށްވެސް ފުއާދު ވިދާޅުވި އެވެ.
ޕީޕީއެމުން ބުރާސްފަތި ދުވަހުގެ ރޭ ބޭއްވި ޖަލްސާގައި މިހާރުގެ ކަންތައް ތައް ހުރި ގޮތުން އިންތިހާބުގެ ނަތީޖާ ނުކުންނަނީ ވޯޓްލާ ގޮތަށް ނޫން ކަމަށް މައުމޫން ވަނީ ވިދާޅުވެފަ އެވެ.