އިތުރު ވަގުތުގައި ކާމިޔާބުކުރި ލަނޑާއެކު މުބާރާތުން ސްރީލަންކާ ކަޓުވާލުމަށްފަހު މުބާރާތުގެ ސެމީ ފައިނަލަށް ބޫޓާން ދަތުރުކޮށްފިއެވެ. މުބާރާތުގެ ގްރޫޕް އޭގެ ފަހު މެޗު ބޫޓާން ކާމިޔާބުކޮށްފައިވަނީ ލަންކާއާ ވާދަކޮށް 1-0 ގެ ނަތީޖާއަކުންނެވެ. މި ނަތީޖާއާއެކު ބޫޓާން ސެމީފައިނަލް ޔަގީންކުރީ ގްރޫޕްގައި ކުޅުނު ތިން މެޗުގެ ތެރެއިން އެއް މެޗު ކާމިޔާބުކޮށް އެއް މެޗުން ބަލިވެ، އަދި އެއް މެޗު އެއްވަރުކޮށް ޖުމްލަ ހަތަރު ޕޮއިންޓާއެކު ގްރޫޕް އޭގެ ދެވަނަ މަގާމާއެކުއެވެ. ސާފް 20 އަހަރުންދަށުގެ ފުޓުބޯޅަ މުބާރާތުގައި ބޫޓާނާއި ސްރީ ލަންކާ ބައްދަލުކުރި މެޗުގެ ތެރެއިން-- ފޮޓޯ: ސާފް މި ގްރޫޕުން އެއްވަނަ މަގާމު ހޯދާފައިވަނީ ރާއްޖެއާ ދެކޮޅަށް ހޯދި ޕޮއިންޓާއެކު ނޭޕާލެވެ. އެއީ ކުޅުނު ތިން މެޗުގެ ތެރެއިން ދެ މެޗުން މޮޅުވެ އަދި އެއް މެޗު އެއްވަރުކޮށްގެން ޖުމްލަ ހަތް ޕޮއިންޓާއެކުއެވެ. ދެވަނަ ހާފްގައި ސްރީލަންކާ ބޮޑަށް ކުޅެމުންދިޔައީ ފަހަތުގައި މަޑުކޮށްފައި ލިބޭ ފުރުސަތުތަކުގައި ކަންޓަރ އެޓޭކް ކުރާގޮތަށެވެ. މެޗު އެއްވަރުކޮށްލައިގެންވެސް ސްރީލަންކާއަށް ސެމީ ޔަގީންކުރެވެން އޮތް މި މެޗުން ލަންކާއަށް ނަސީބު ގެއްލުނީ މެޗުގެ ފުރިހަމަ ވަގުތު ހަމަވެގެން ރެފްރީ ދެއްކި އިތުރުވަގުތުގެ ދެވަނަ މިނެޓުގައެވެ. ސާފް 20 އަހަރުންދަށުގެ ފުޓުބޯޅަ މުބާރާތުގައި ބޫޓާނާއި ސްރީ ލަންކާ ބައްދަލުކުރި މެޗުގެ ތެރެއިން-- ފޮޓޯ: ސާފް މި ލަނޑު ބޫޓާނަށް ކާމިޔާބުކޮށްދިނީ ދެންޑުޕް ގިޔެލްޝެންއެވެ. އޭނާ މި ލަނޑުޖެހީ ޓެންޑިން ނަގައިދިން ހުރަހަކުން ބޮލުން ގޯލުގެ ތެރެއަށް ފޮނުވާލައިގެންނެވެ. އެއާއެކު ގްރޫޕް ބީން ސެމީއަށް ދަތުރުކުރީ އެއްވަނަ ހޯދި ނޭޕާލާއި ދެވަނަ ހޯދި ބޫޓާނެވެ. ލަންކާާއާއި ރާއްޖެ ވަނީ މުބާރާތުން ކަޓާފައެވެ. ގްރޫޕް އޭ އިން ސެމީއަަށް ދަތުރުކުރީ ބަންގްލަދޭޝް އާއި އިންޑިއާއެވެ.