މޯލްޑިވްސް ހައްޖު ކޯޕަރޭޝަންގެ މެނޭޖިން ޑިރެކްޓަރުގެ މަގާމަށް މުހައްމަދު ފިރުޒުލް އަބްދުﷲ ހަލީލް މިއަދު އައްޔަނުކޮށްފި އެވެ.
ހައްޖު ކޯޕަރޭޝަންގެ މެނޭޖިން ޑިރެކްޓަރުކަމާއި ބޯޑު މެންބަރުކަމަށް ފިރުޒުލް އައްޔަނުކޮށްފައިވާކަން ހާމަކުރީ ޕްރައިވަޓައިޒޭޝަން އެންޑް ކޯޕަރަޓައިޒޭޝަން (ޕީސީބީ) އިން ދާދި ދެންމެއަކު ސޯޝަލްމީޑިއާގައި ކުރި ޕޯސްޓެއްގަ އެވެ.
ހައްޖު ކޯޕަރޭޝަންގެ މެނޭޖިން ޑިރެކްޓަރުގެ މަގާމު ހުސްވީ އެ މަގާމުގައި ކުރިން ހުންނެވި، މުހައްމަދު ޝަކީލް އިލެކްޝަންސް ކޮމިޝަނުގެ މެންބަރުކަމަށް އައްޔަނުކުރުމާ ގުޅިގެންނެވެ. 
މި ސަރުކާރުގެ އިންތިގާލީ މަރުހަލާގެ ތަރުޖަމާނުކަން ވެސް ކުރެއްވި ފިރުޒުލް މިވަގުތާ ހަމައަށް ހުންނެވީ ރައީސުލްޖުމްހޫރިއްޔާގެ އޮފީހުގެ އަންޑާ ސެކްރެޓެރީއެއްގެ މަގާމުގަ އެވެ.