މާފަންނު ފީރޯޒު މަގުގައި ހުންނަ ކަރަންޓު ޑިސްޓްރިއުބިޝަން ފޮއްޓެއްގައި އަލިފާން ރޯވެ އެ ސަރަހައްދުގެ ބައެއް ގެތަކުން ކަރަންޓު ކެނޑިއްޖެ އެވެ.
ފުލުހުން ބުނީ، ޑިސްޓްރިބިއުޝަން ފޮށީގައި ރޯވީ، މިއަދު ހެނދުނު 10:24 ގައި ކަމަށެވެ. އެކަމަކު ފުލުހުން އެ ސަރަހައްދަށް ދިޔައިރު އަލިފާން ނިއްވާލާފައިވާ ކަމަށާއި އެ ހާދިސާގައި އެއްވެސް މީހަކަށް އަނިޔާއެއް ނުވާ ކަމަށް ވެސް ފުލުހުން ބުންޏެވެ.
އެ ސަރަހައްދަށް ކަރަންޓު ފޯރުކޮށްދިނުމުގެ މަސައްކަތް ސްޓެލްކޯ އިން މިހާރު ދަނީ ކުރަމުންނެވެ.