ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް)ގައި ދެ ފަޅި ނެތްކަމަށާ ޕާޓީގައި އޮތީ ޕީޕީއެމްގެ ރައީސްގެ ފަޅި އެކަނިކަމަށް ޕީޕީއެމްގެ ރައީސް އަލްއުސްތާޒް މައުމޫން އަބުދުލްގައްޔޫމް ވިދާޅުވެއްޖެއެވެ.
ރައީސް މައުމޫން މިހެން ވިދާޅުވީ ޕީޕީއެމްގެ ތެރޭގައި ހިޔާލް ތަފާތުވުންތައް އުފެދި ޕީޕީއެމް ދެ ލީޑަރޝިޕެއްގެ ދަށުން ހިންގަމުންދާތީ އެކަމާއި ގުޅޭގޮތުން މިރޭ ކުރެއްވި ޓްވީޓެއްގައެވެ.
ރައީސް މައުމޫން ކުރައްވާފައިވާ މި ޓްވީޓްގައި ވިދާޅުވެފައިވަނީ ޕީޕީއެމްގައި ދެ ފަޅިއެއް ނެތްކަމަށާ އޮތީ ހަމައެކަނި މެންބަރުން އިންތިޚާބުކުރެއްވި ރައީސް ހުރި ފަޅިކަމަށެވެ. އަދި ޓްވީޓް ނިންމަވާލައްވަމުން ވަން ޕާޓީ ވަން ލީޑަރ މިހެންވެސް އެމަނިކްފާނު ވަނީ ލިޔުއްވާފައެވެ.