ޕީޕީއެމްގެ ރައީސް އަދި ކުރީގެ ރައީސުލްޖުމްހޫރިއްޔާ މައުމޫން އަބްދުލް ގައްޔޫމް ޖުމްހޫރީ ޕާޓީގެ ލީޑަރު ގާސިމް އިބްރާހީމާއި ބައްދަލުކުރައްވައިފި އެވެ.
މިއަދު ހެނދުނު 11:00 ޖެހިއިރު މި ދެ ބޭފުޅުން ބައްދަލުކުރެއްވުމަށްފަހު މ. ކުނޫޒުގައި މިހާރު ކުރިއަށް ދަނީ ދެ ބޭފުޅުންގެ ރަސްމީ މަޝްވަރާތަކެވެ.
މަޝްވަރާ ބައްދަލުވުމުގައި ޖުމްހޫރީ ޕާޓީގެ ކައުންސިލް މެންބަރުންނާއި ޕީޕީއެމްގެ ރައީސް މައުމޫން ފެކްޝަންގައި ހިމެނޭ އެޕާޓީގެ ކައުންސިލް މެންބަރުން ވެސް ބައިވެރިވެ އެވެ.
މީޑިއާއަށް ނުވަދެވޭ ގޮތަށް މަޝްވަރާ ބައްދަލުވުން ކުރިއަށްދާތީ މަޝްވަރާކުރެވޭ ކަންކަމުގެ މައުލޫމާތު ވަނީ ސާފުވާ ގޮތް ނުވެފަ އެވެ.