އެންޓި ކޮރަޕްޝަން ކޮމިޝަން (އޭސީސީ)ގެ ނައިބު ރައީސްކަމުގެ މަގާމަށް، އެ ކޮމިޝަންގެ މެމްބަރަކަށް މި ފަހުން އައްޔަނުކުރެއްވި އަހުމަދު ނާޝިދު އައްޔަނުކުރައްވަން ފޮނުއްވުމުގެ އެއް ދުވަސް ފަހުން، އެ ނިންމުން ބަދަލުކުރައްވައި، އެ މަގާމަށް އަބްދުﷲ ނާޝިދު އައްޔަނުކުރަން ރައްޔިތުންގެ މަޖިލީހަށް ހުށަހަޅުއްވައިފި އެވެ. އޭސީސީގެ ނައިބުރައީސް ކަމަށް އަހުމަދު ނަޝީދު އައްޔަންކުރަން ރައީސް މުއިއްޒު ހުށަހެޅުއްވި މައްސަލަ ދިރާސާކުރަން ރައްޔިތުންގެ މަޖިލީހުގެ އިއްޔެގެ ޖަލްސާގައި ވަނީ މިނިވަން މުއައްސަސާތަކުގެ ކޮމިޓީއަށްވެސް ފޮނުވާފަ އެވެ.ނަމަވެސް ރައީސް މުއިއްޒު ވަނީ އެ ނިންމެވުން ބަދަލު ކުރައްވައި އޭސީސީގެ ނައިބު ރައީސް ކަމަށް އަބްދުﷲ ނާޝިދު އައްޔަންކުރަން މަޖިލީހުން ރުހުން ހޯދުމަށް ފޮނުވާފަ އެވެ.ރައްޔިތުންގެ މަޖިލީހުގެ މިއަދުގެ ޖަލްސާގައި ވަނީ މި މައްސަލަ ދިރާސާކުރަން ވަނީ މިނިވަން މުއައްސަސާތަކުގެ ކޮމިޓީއަށް ފޮނުވާފަ އެވެ.އޭސީސީގެ މެންބަރު ކަމަށް އަބްދުﷲ ނާޝިދު އާއި އަހުމަދު ނާޝިދު އައްޔަންކުރެއްވީ މިދިޔަ ޖެނުއަރީ މަހު އެވެ.  މިއީ އެ ކޮމިޝަންތަކުގެ ރައީސާއި ނައިބު ރައީސް އައްޔަންކުރެއްވުމުގެ ބާރު ރަައީސަށް ލިބޭ ގޮތަށް އެ ދެ ގާނޫނަށް ގެނައި އިސްލާހަށް ފަހު އެ މަގާމުތަކަށް މީހުން އައްޔަންކުރައްވާ ފުރަތަމަ ފަހަރެވެ.އޭސީސީގައި މިހާރު ތިއްބަވަނީ:އާދަމް ޝާމިލް - ރައީސްޝިޔާމާ މުހައްމަދުޝަޒްނާ ހާޝިމްއަބްދުﷲ ނާޝިދުއަހްމަދު ނާޝިދު