ވައިގެެ މަގުން ރާއްޖެއަށް އެތެރެކުރަން އުޅުނު 1 ކިލޯގެ މަސްތުވާތަކެތި ކަސްޓަމްސް އިން އަތުލައިގެންފި އެވެ.
ވީ ކިހިނެއް؟ - ކަސްޓަމްސް އިން މިއަދު ނެރުނު ބަޔާނެއްގައި ބުނި ގޮތުގައި، އެ ތަކެތި އަތުލައިގަތީ މިދިޔަ މަހު 27ގައި ކުރިއާ މެދުވެރިކޮން ރާއްޖެ ގެނެސްފައިވާ ޕެކޭޖެއްގައި މަސްތުވާތަކެތި ހުރި ކަމަށް ޝައްކުކުރެވިގެން އިތުރަށް ބަލައި ފާސްކުރުމުގެ ތެރޭގަ އެވެ.
ތަފްސީލް - ކަސްޓަމްސް އިން ބުނީ:
ފުރަތަމަ މަރުހަލާގެ ތަހުލީލުތަކުން ކޮކެއިންއަށް ޕޮޒިޓިވްވި 
ބަރުދަނުގައި ޕެކިންއާ އެކު 1020 ގްރާމް ހުރި 
މަގުމަތީ އަގަކީ ގާތްގަނޑަކަށް 2.5 މިލިއަން ރުފިޔާ
މި މައްސަލަ އިތުރަށް ތަހުގީގުކުރުމަށް ފުލުހުންނާ ހަވާލުކޮށްފައިވާ ކަމަށް ވެސް ކަސްޓަމްސް އިން ބުންޏެވެ.