އީރާނާ ދެކޮޅަށް އިޒްރޭލު-އެމެރިކާ އިން ކުރާ ހަނގުރާމައަށް ޑިޕްލޮމެޓިކް ހައްލެއް ހޯދުމަށް ސައުދީ އަރަބިއްޔާ އިން ތާއީދު ކުރާ ކަމަށާއި ނަމަވެސް ސައޫދީ އަރަބިއްޔާއަށާއި އެ ގައުމުގެ ހަކަތައިގެ ދާއިރާއަށް ހަމަލާތައް ދެމުންދާ ނަމަ، އީރާނާ ދެކޮޅަށް ރައްދު ދިނުމަށް ސައޫދީ އަރަބިއްޔާއަށް މަޖުބޫރުވެދާނެ ކަމުގެ އިންޒާރު އެ ގައުމުން ދީފި އެވެ.
އީރާނުގެ ރައީސް މަސްއޫދު ޕެޒެޝްކިއަންއަށް އެ މެސެޖު ފޯރުކޮށްދިނީ އޭނާ އިއްޔެ ގަލްފުގެ އަވައްޓެރި ގައުމުތަކުގެ ކިބައިން މައާފަށް އެދިވަޑައިގެން ވާހަކަދައްކެވުމުގެ ކުރިންނެވެ.
މީގެ ދެ ދުވަސް ކުރިން ސައުދީގެ ފޮރިން މިނިސްޓަރު ޕްރިންސް ފައިސަލް ބިން ފަރްހާން ވަނީ އީރާނުގެ ހާރިޖީ ވަޒީރު އައްބާސް އަރަގްޗީއާ ފޯނުން ގުޅުއްވައި ސައޫދީގެ ހާލަތު ވަރަށް ސާފުކޮށް ބަޔާންކޮށްދެއްްވައިފަ އެވެ.
ސައޫދީ އޮތީ ހަމަނުޖެހުންތައް ކުޑަކޮށް، ކޮންމެ ގޮތަކުން ވެސް މަޝްވަރާގެ ދޮރު އިހުތިޔާރު ކުރުމަށް ކަމަށް ރޮއިޓާސްއާ ވާހަކަ ދެއްކި ސައުދީގެ މަސްދަރުތަކުން ބުނެ އެވެ. އަދި އީރާނަށް ވައިގެ ހަމަލާތައް ދިނުމަށް ސައުދީ އާއި ގަލްފުގެ އެހެން ގައުމުތަކުން ވެސް އެ ގައުމުގެ ވައިގެ ސަރަހައްދު ބޭނުން ކުރުމުގެ ފުރުސަތު ދީފައި ނުވާ ކަމަށް ވެސް އެ މަސްދަރުތަކުން ބުނެ އެވެ.
ޕްރިންސް ފައިސަލް ވިދާޅުވީ، އީރާނުން ސައުދީގެ ސަރަހައްދަށް ހަމަލާ ދީފި ނަމަ، އަސްކަރީ އޮޕަރޭޝަންތަކަށް އެމެރިކާ ސިފައިން އެ މަރުކަޒުތައް ބޭނުން ކުރުމުގެ ފުރުސަތު ސައޫދީއަށް މަޖުބޫރުވާނެ ކަމަށެވެ.
ޕްރިންސް ފައިސަލްއާ ހަވާލާދީ ރޮއިޓާސް އިން ބުނީ އީރާނުން ސައުދީގެ ސަރަހައްދަށް ހަމަލާ ދީފި ނަމަ، އަސްކަރީ އޮޕަރޭޝަންތަކަށް އެމެރިކާ ސިފައިން އެ މަރުކަޒުތައް ބޭނުން ކުރުމުގެ ފުރުސަތު ސައޫދީއަށް ދޭން މަޖުބޫރުވާނެ ކަމަށެވެ. އަދި ސައުދީގެ ހަކަތައިގެ މުހިންމު ތަންތަނަށް ހަމަލާދޭ ނަމަ ސައުދީން ރައްދު ދޭނެ ކަމަށް ވެސް އޭނާ ވިދާޅުވި އެވެ.