އަރަބި-އިސްލާމިކް ސަމިޓްގައި ބައިވެރިވެވަޑައިގަތުމަށް ރައީސް މުހައްމަދު މުއިއްޒު ގަތަރަށް ކުރެއްވި ދަތުުރު ނިންމަވާލެއްވުމަށް ފަހު، މިއަދު އެނބުރި ރާއްޖެ ވަޑައިގެންފި އެވެ.
ވީ ކިހިނެއް؟ - އިއްޔެ ރޭ ރައީސް ގަތަރަށް ވަޑައިގެންނެވީ، އިޒްރޭލުން ގަތަރަށް ދިން ހަމަލާއާ ގުޅިގެން އަރަބި-އިސްލާމީ ގައުމުތަކުގެ ވެރިން ބޭއްވި އިމަޖެންސީ ބައްދަލުވުމަށެވެ. އެ ބައްދަލުވުމުގައި ރައީސް ވަނީ، ފަލަސްތީނުގެ ހާލަތާ ގުޅޭ ގޮތުން ރާއްޖެއިން އަބަދުވެސް ގެންގުޅޭ ވިސްނުން އަޑުއިއްވަވާފަ އެވެ.
ގަތަރުގެ ދޯހާއަށް އިޒްރޭލުން ދިން އެ ހަމަލާ ކުށްވެރި ކުރެއްވި އެވެ.
ތަފްސީލް - އެ ބައްދަލުވުމުގައި ރައީސް ވިދާޅުވި ގޮތުގައި:
އެ ހަމަލާގެ ސަބަބުން، އިޒްރޭލުން ސުލްހަ ބޭނުން ނުވާކަން ޔަގީންވޭ
އެއީ ސީދާ ސުލްހައަށް ހަމަލާދީ، މެދުވެރިއެއްގެ ރޯލަށް ހުރަސް އެޅުން
އެ ބައްދަލުވުމުގެ ކުރިން ރައީސް ވަނީ ގަތަރުގެ އަމީރު ތަމީމް ބިން ހަމަދް އަލް ސާނީއާ ވެސް ބައްދަލުކުރައްވާފަ އެވެ.