ނ. މާފަރު އިންޓަނޭޝަނަލް އެއާޕޯޓު ބޮޑު ކުރުމުގެ މަޝްރޫއުގެ މަސައްކަތް ނިންމައި އެ އެއާޕޯޓަށް ވައިޑް ބޮޑީ މަތިންދާބޯޓު ޖައްސަން މިއަދު ފަށައިފި އެވެ.
ވީ ކިހިނެއް؟ - ބައިނަލްއަގުވާމީ ދަތުރުތަކަށް ފައްކާކޮށްފައިވާ މާފަރު އެއާޕޯޓު ތަރައްގީ ކުރުމުގެ މަޝްރޫއުގެ ދެވަނަ ފިޔަވަހީގެ ދަށުން ވައިޑް ބޮޑީ މަތިންދާބޯޓުތައް ޖެއްސޭ ފެންވަރަށް ރަންވޭ ވަނީ ބޮޑުކޮށްފަ އެވެ. އެގޮތުން:
ރަންވޭ ބޮޑުކުރުމުގެ މަސައްކަތުގެ ދަށުން 2200 މީޓަރުގެ ރަންވޭއަށް 650 މީޓަރު ވަނީ އިތުރުކޮށްފައި
ތަފްސީލް - މާފަރު އެއާޕޯޓު ތަރައްގީ ކުރުމުގެ މަޝްރޫއުގެ ނިމުން ފާހަގަކުރުމަށް މޯލްޑިވިއަންގެ އޭ330 މިއަދު ވަނީ އެ އެއާޕޯޓަށް ޖައްސައިފަ އެވެ.
އެ އެއާޕޯޓަކީ އަބޫދާބީ ފަންޑު ފޯ ޑިވެލޮޕްމެންޓު (އޭޑީއެފްޑީ)ގެ އެހީގައި ތަރައްގީކުރި އެއާޕޯޓެކެވެ. އެގޮތުން:
އެއާޕޯޓު ތަރައްގީ ކުރުމުގެ މަޝްރޫއުގެ ފުރަތަމަ ފިޔަވައްސަށް އަބޫދާބީ ފަންޑު ފޯ ޑިވެލޮޕްމެންޓުން 49 މިލިއަން ޑޮލަރު ދީފައިވޭ
ދެވަނަ ފިޔަވައްސަށް އެ ފަންޑުން 27 މިލިއަން ޑޮލަރު ވަނީ ދީފައި
އެއާޕޯޓު ފުުރަތަމަ ހުޅުވީ އެއާބަސް އޭ320 އަދި ބޮއިންގް 737 ޖެއްސޭ ފެންވަރަށް
ބޮއިން 777 ޖެއްސޭ ފެންވަރަށް މަސައްކަތް ނިންމައި އެއާޕޯޓުގެ ސެޓިފިކޭޝަން ޕްރޮސެސް މަރުހަލާ ފުރިހަމަ ކުރުމަށް އެ އެއާޕޯޓަށް ޖެއްސީ އެމިރޭޓްސްގެ ބޮއިން 777 ބޯޓެއް
ރަންވޭ ބޮޑުކުރުމުގެ މަސައްކަތް ނިންމާ މިއަދު ރަންވޭ ރަސްމީކޮށް ވަނީ ބޭނުންކުރަން ފަށާފައި
ފާހަގަ ކުރެވޭ - މަތީފަންތީގެ ގިނަ ރިސޯޓުތައް ހުންނަ ސަރަހައްދެއްގައި އޮންނަ މާފަރު އެއާޕޯޓަކީ މާލެ ފިޔަވާ އެންމެ ގިނަ އަދަދެއްގެ ޕްރައިވެޓް ޖެޓުތައް ޖައްސާ އެއާޕޯޓެވެ.
އައިލެންޑް އޭވިއޭޝަނުން ހިންގާ މާފަރު އެއާޕޯޓުގެ ޕެސެންޖާ ޓާމިނަލް ބޮޑުކޮށް، ތަރައްގީ ކުރަން ވެސް ވަނީ ނިންމައިފަ އެވެ.