ކްރިމިނަލް ކޯޓުގައި މިއަދު ވަނީ ބައްސާމުގެ މައްޗަށް އުފުލާފައިވާ ހިޔާނާތާއި މަނީ ލޯންޑާކުރުމުގެ ކުށުގެ ހަތަރު ދައުވާއެއްގެ އަޑުއެހުން ބާއްވާފަ އެވެ. މި އަޑުއެހުމަށް އޭނާ ހާޒިރުވެފައި ވަނީ ވަކީލު ނުލަ އެވެ.
ހިޔާނާތުގެ ދައުވާތަކެއް އުފުލާފައިވާ އެފްއޭއެމްގެ ކުރީގެ ރައީސް ބައްސާމް އަދީލް ޖަލީލްގެ ވަކީލު މައްސަލައިން ތަނާޒުލްވެއްޖެ އެވެ.
މި މައްސަލައަކީ 2018 ވަނަ އަހަރު ފީފާއިން އެފްއޭއެމްއަށް ދިން 9،999 ޑޮލަރު އެ އަހަރުގެ އޯގަސްޓު މަހުގައި ބައްސާމުގެ އަމިއްލަ އެކައުންޓަކަށް ޖަމާކޮށް އެ ފައިސާއަށް ހިޔާނާތްތެރިވިކަމުގެ ތުހުމަތުގައި ދައުވާކޮށްފައިވާ މައްސަލައެކެވެ.ކްރިމިނަލް ކޯޓުގައި މިއަދު ވަނީ ބައްސާމުގެ މައްޗަށް އުފުލާފައިވާ ހިޔާނާތާއި މަނީ ލޯންޑާކުރުމުގެ ކުށުގެ ހަތަރު ދައުވާއެއްގެ އަޑުއެހުން ބާއްވާފަ އެވެ. މި އަޑުއެހުމަށް އޭނާ ހާޒިރުވެފައި ވަނީ ވަކީލު ނުލަ އެވެ. އޭނާގެ ދިފާއީ ވަކީލެއްގެ ގޮތުގައި ކުރިން ހުރީ އިބްރާހިމް ޝަމީލެވެ.
އެހެންވެ، ވަކީލަކު އައްޔަނު ކުރަން އޭނާއަށް ވަނީ 10 ދުވަހުގެ މުއްދަތެއް ދީފަ އެވެ.ދައުލަތުން ތުހުމަތުކުރަނީ ބައްސާމުގެ އެފްއޭއެމްއަށް ޑޮލަރު ގަންނަން ކަމަށް ބުނެ ބައްސާމުގެ އެކައުންޓަށް 9،999 ޑޮލަރު ޖަމާކުރުމަށްފަހު އެ ފައިސާއަށްވާ ދިވެހި ރުފިޔާ އެފްއޭއެމްއަށް ފޯރުކޮށްދީފައިނުވާކަމަށާއި، އެ ފައިސާގެ ތެރެއިން 2،000 ޑޮލަރު ބޭނުންކުރައްވައިގެން އޭނާ އެއިރު ދިރިއުޅުއްވަމުން ގެންދެވި ރެހެންދި ފުލެޓުގެ ކުލި ދެއްކެވި ކަމަށެވެ. ފަހުން ވެސް ދައުލަތުން ވަނީ ހިޔާނާތުގެ އިތުރު މައްސަލައެއްގައި ބައްސާމްގެ މައްޗަށް ދެ ދައުވާ އުފުލާފަ އެވެ. އެއީ އަމީން ކޮންސްޓްރަކްޝަންގެ އަމީން އެވެނިއު އިން އެޕާޓްމަންޓެއް ގަތުމަށް ފައިސާ ޖަމާކުރުމަށްޓަކައި އެފްއޭއެމްގެ އެއް މިލިއަން ދެލައްކަ އެމެރިކާ ޑޮލަރަށް ހިޔާނާތްތެރިވެފައިވާތީ އެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ