މި އަހަރުގެ ދިރާގު 3X3 ޗެލެންޖު ބާސްކެޓް މުބާރާތަށް ރަޖިސްޓަރީކުރުމުގެ ފުރުސަތު މާދަމާ ހަމަވާނެ އެވެ.
ވީ ކިހިނެއް؟ - ރަޖިސްޓަރީކުރުމުގެ ފުރުސަތު މާދަމާ މެންދުރުފަހު 2އަށް ހަމަވާ މި ފޯރިގަދަ މުބާރާތް އޮންނާނީ އަންނަ މަހު 1 އިން 7އަށް ސޯޝަލް ސެންޓަރު އައުޓްޑޯ ކޯޓުގަ އެވެ.
ޓައިޓަންސް ބާސްކެޓް އެކެޑެމީން އިންތިޒާމްކޮށްގެން ކުރިއަށްގެންދާ މި މުބާރާތުގެ މަގުސަދަކީ، ބާސްކެޓްބޯޅައަށް ޝައުގުވެރިކަން ހުންނަ ކުދިންނަށާއި ޒުވާނުންނަށް، އެ ކުޅުންތެރިންގެ ހުނަރުތައް ދައްކާލައި ހުނަރުތައް ތަރައްގީކުރުމަށް ވާދަވެރި ޕްލެޓްފޯމެއް ހޯދައިދިނުމެވެ.
ތަފްސީލް - މިދިޔަ އަހަރު މި މަގުބޫލު މުބާރާތުގައި 103 ޓީމަކުން ޖުމްލަ 408 ކުޅުންތެރިން ބައިވެރިވި އެވެ.
މި އަހަރު މި މުބާރާތް ކުރިއަށް ގެންދާނީ 2 ކެޓަގަރީއަކަށް ބަހާލައިގެންނެވެ. އެއީ:
އެކެޑެމީ ކެޓެގަރީ:
8 އަހަރުން ދަށް؛ އަންހެން އަދި ފިރިހެން ޑިވިޝަން
10 އަހަރުން ދަށް؛ އަންހެން އަދި ފިރިހެން ޑިވިޝަން
12 އަހަރުން ދަށް؛ އަންހެން އަދި ފިރިހެން ޑިވިޝަން
އޯޕެން ކެޓެގަރީ:
14 އަހަރުން ދަށް؛ އަންހެން އަދި ފިރިހެން ޑިވިޝަން
16 އަހަރުން ދަށް؛ އަންހެން އަދި ފިރިހެން ޑިވިޝަން
18 އަހަރުން ދަށް؛ އަންހެން އަދި ފިރިހެން ޑިވިޝަން
ފިރިހެން ޑިވިޝަން 1
ފިރިހެން ޑިވިޝަން 2
އަންހެން ޑިވިޝަން
ބެލެނިވެރިން – ފިރިހެން
ބެލެނިވެރިން – އަންހެން
މި މުބާރާތުގައި ބައިވެރިވުމަށް ޝައުގުވެރިވާ ޓީމުތަކަށް އޮންލައިންކޮށް ރަޖިސްޓްރީކުރެވޭނެ އެވެ.
ފާހަގަކޮށްލެވޭ - ދިރާގަކީ ރާއްޖޭގައި ބާސްކެޓްބޯލް ފަދަ މަގްބޫލު ކުޅިވަރުތައް ތަރައްގީކޮށް ކުރިއެރުވުމަށް ކުރާ ކަންކަމުގައި އެންމެ ކުރީ ސަފުގައި ބައިވެރިވެ، ދިވެހި މުޖުތަމައަކީ ދުޅަހެޔޮ ސިއްހަތެއްގައި ތިބުމަށް ލޯބިކުރާ ބަޔަކަށް ހެދުމަށް ގިނަ މަސައްކަތްތަކެއް ކުރަމުން އަންނަ ކުންފުންޏެކެވެ.