ގަން އިންޓަނޭޝަނަލް އެއާޕޯޓު ހަބަކަށް ހަދައިގެން ޤައުމީ އެއާލައިން، މޯލްޑިވިއަނުން ފެށި ޓްވިން އޮޓާ އެއާކްރާފްޓް އޮޕަރޭޝަނަކީ ރާއްޖޭގެ ދެކުނުގެ ސަރަހައްދަށް ލިބުނު ވަރަށް ބޮޑު ކުރިއެރުމެއް ކަމަށް އިނާ މޯލްޑިވްސްގެ ވެރިޔާ މުޙައްމަދު ފިރާގު ވިދާޅުވެއްޖެއެވެ. އިއްޔެ ރަސްމީކޮށް ފެށި ދަތުރުތަކާ ގުޅޭގޮތުން ވާހަކަދައްކަވަމުން ފިރާގު ވިދާޅުވީ، މިއީ ޚަރަދު ބޮޑު މަސައްކަތެއް ނަމަވެސް، ދެކުނުގެ އަތޮޅުތަކުގެ ފަތުރުވެރިކަމާއި، ވިޔަފާރި އަދި ސިއްހީ ޚިދުމަތްތައް ކުރިއެރުވުމަށް އެޅުނު މުހިންމު ފިޔަވަޅެއް ކަމަށެވެ. https://sun.mv/217344 ޚާއްޞަކޮށް، ބައިނަލްއަގްވާމީ ބޮޑެތި އެއާލައިންތަކާ ކޯޑްޝެއާ ގުޅުން އޮންނަ ހަމައެކަނި އެއާލައިން ކަމަށްވާ ސްރީލަންކަން އެއާލައިންސް އިން ފާއިތުވި ނުވަ އަހަރު ކޮލަމްބޯ އާއި ގަމާ ދެމެދު ކުރަމުން އައި ދަތުރުތަކަށް މީގެ ސަބަބުން ބޮޑު ފަސޭހައެއް ލިބިގެންދާނެކަން އޭނާ ފާހަގަކުރެއްވިއެވެ. ފިރާގު އިތުރަށް ވިދާޅުވީ، މީގެ ކުރިން މި ރޫޓު އޮޕަރޭޓު ކުރަމުން އައީ އެކަށީގެންވާ ސަޕޯޓިން ނެޓްވޯކެއް ނެތި ކަމަށެވެ. "ޖީއެސްއޭއެއްގެ ގޮތުގައި އަޅުގަނޑުމެން މިފަދަ ގުޅުންތައް ޤާއިމުކޮށް ހަރުދަނާކުރުމަށް މަސައްކަތް ކުރަމުން އަންނަތާ އެތައް އަހަރެއް ވެއްޖެ. މި ކުރިއެރުމަކީ އެ ދިގު ބުރަ މަސައްކަތް ޙަޤީޤަތަކަށްވުމުގެ ފެށުން ކަމަށް އަޅުގަނޑު ދެކެން،" އޭނާ ވިދާޅުވިއެވެ. ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ދެއްވާ އެއްބާރުލުމާއެކު، މި އިސްނެގުމުގެ ސަބަބުން ދެކުނު ސަރަހައްދުގެ ފަތުރުވެރިކަން ވަރަށް ބޮޑަށް ކުރިއަރާނެ ކަމަށް ބެލެވޭ ކަމަށް ފިރާގު ވިދާޅުވިއެވެ. އަދި މި މުހިންމު ނެޓްވޯކް ކުރިއަށް އޮތްތަނުގައި އިތުރަށް ފުޅާވެ ތަރައްޤީވެގެންދާނެ ކަމަށް އުންމީދު ކުރައްވާ ކަމަށްވެސް އޭނާ ފާހަގަކުރެއްވިއެވެ. މީގެ އިތުރުން، ބައިނަލްއަގްވާމީ އެއާލައިންތައް ގަން އެއާޕޯޓަށް ގެނައުމުގައި ހުރި ގޮންޖެހުންތަކަށް އަލިއަޅުއްވާލައްވަމުން ފިރާގު ވިދާޅުވީ، އެންމެ ބޮޑު ހުރަހަކީ ފަސިންޖަރުންގެ އަދަދު މަދުވުމާއި ދުރު ރާސްތާގެ ދަތުރުތައް ކުރުމަށް ހިނގާ ބޮޑު ޚަރަދު ކަމަށެވެ. މިވަގުތު ދަތުރުގެ ވަގުތަށާއި ފަސިންޖަރުންގެ އަދަދަށް ބަލާއިރު ބައިނަލްއަގްވާމީ ގުޅުންތައް ބޭއްވެން އޮތީ ހަމައެކަނި ސްރީލަންކާ އާއި އިންޑިއާއާ ދެމެދު ކަމަށް އޭނާ ފާހަގަކުރެއްވިއެވެ. ނަމަވެސް، ދެކުނުގެ ފަތުރުވެރިކަމުގެ އެނދުތައް އިތުރުވެ، ދަތުރުފަތުރުގެ ނިޒާމު ހަރުދަނާވުމުން، އެހެނިހެން ބައިނަލްއަގްވާމީ އެއާލައިންތަކުން ވެސް ގަން އެއާޕޯޓަށް ދަތުރުކުރުމަށް ޝައުގުވެރިވާނެ ކަމަށް އޭނާ ވިދާޅުވިއެވެ. ވޭތުވެދިޔަ 10 އަހަރުގެ ތެރޭގައި ތަފާތު ތިން ސަރުކާރަކުން ވެސް މި ދާއިރާއަށް ބޮޑު އެއްބާރުލުމެއް ދީފައިވާކަން ފިރާގު ފާހަގަކުރެއްވިއެވެ. އެއާލައިންތަކުގެ ލޯކަލް އޭޖެންޓެއްގެ ހައިސިއްޔަތުން ވާހަކަދައްކަވަމުން އޭނާ ވިދާޅުވީ، ސަރުކާރުތަކުން ލިބުނު އެހީތެރިކަމަކީ އޮޕަރޭޝަންތައް ދަމަހައްޓައި ކުރިއެރުވުމަށް ލިބުނު ވަރަށް އަގުހުރި އެއްބާރުލުމެއް ކަމަށެވެ. މިއީ ރައީސް ޑރ. މުހައްމަދު މުއިއްޒު، އެއާޕޯޓު އެޅުމުގެ ބަދަލުގައި ކުދި މަތިންދާބޯޓުތަކަށް ރަށްރަށަށް ޖެއްސޭނެ ގޮތެއް ހޯދަން ސަރުކާރުން ދިރާސާކުރަމުންދާ ކަމަށް މި ފަހުން ވިދާޅުވެފައިވަނިކޮށް ފެށި ޚިދުމަތެކެވެ. ކުދި މަތިންދާބޯޓުތަކާއެކު ދެކުނުގެ ހަތަރުއަތޮޅު ގުޅާލަނީއިތުރަށް ވިދާޅުވުމަށްއެ ގޮތުން ފުރަތަމަ ދަތުރުތައް ފަށާކަމަށް އިއުލާނުކުރި ދެކުނުގެ ހަތަރު އަތޮޅުތަކަށް ދަތުރުކުރާ އަގުތަކަކީ: ގަން - ފުވައްމުލަކު: ކޮޅަކަށް 500 ރުފިޔާ ގަން - ކާޑެއްދޫ: ކޮޅަކަށް 900 ރުފިޔާ ގަން - ކޫއްޑޫ: ކޮޅަކަށް 900 ރުފިޔާ ފުވައްމުލަކު - ކާޑެއްދޫ: ކޮޅަކަށް 650 ރުފިޔާ ފުވައްމުލަކު - ކޫއްޑޫ: ކޮޅަކަށް 650 ރުފިޔާ